Soltüstık Qazaqstan oblysynda 3 audan äkımı jauapqa tartyldy. Būl turaly öŋır prokurory Qairat Äbdıhanov kommunaldyq qaldyqtardy basqaru kezınde ekologiialyq zaŋnamany saqtau mäselesı boiynşa alqa otyrysynda aitty, dep habarlaidy “Adyrna” ūlttyq portaly.
Prokurordyŋ aituynşa, jürgızılgen taldau nätijesınde qaldyqtarmen jūmys ısteu kezınde zaŋnama talaptarynyŋ öreskel būzylǧany anyqtalǧan. Prokurorlardyŋ aralasuynan keiın 11 audanda tūrǧyndar üşın qaldyqtardy jinauǧa, tasymaldauǧa, sūryptauǧa jäne kömuge tarifter belgılendı.
«Oblystyŋ taǧy 6 audanynda negızsız köterılgen tarifterdı tömendetu boiynşa şaralar qabyldanyp jatyr. Ekologiialyq zaŋnama talaptaryn saqtamaǧany üşın ärtürlı 95 adam jauapkerşılıkke tartyldy, onyŋ ışınde 3 audan äkımı bar», delıngen habarlamada.
Otyrys qorytyndysy boiynşa ūiymdastyruşylyq jäne praktikalyq şaralar qabyldanyp, jergılıktı atqaruşy jäne uäkılettı organdarǧa naqty tapsyrmalar berıldı.
Ūqsas jaŋalyqtar
