Talǧardaǧy qaiǧyly oqiǧaǧa bailanysty marqūmnyŋ äkesın belgısız bıreulerdıŋ qorqytyp jürgenı aityldy, dep habarlaidy "Adyrna" ūlttyq portaly.
Ūlysmedia mälımetınşe, Şerzat Bolattyŋ äjesı Jūmabike Nūrymova ūly Qarjaubai Nūrymovqa bıreuler habarlasyp, qoqan-loqqy jasap jatqanyn habarlady.
"Balama qoŋyrau soǧyp, «balaŋnyŋ janynan körıŋdı qaza ber» dep qorqytyp jatyr. Bızge kömekke adam kerek. Kelgen äkımderge de, jurnalisterge de aityp jatyrmyn. Körşıler üiıŋızge adamdar kırgen dep aityp jatyr. Esıktı aşyp, kırgen, aralap jürgen, bıraq eşteŋe almaǧan degendı aitty. Körşıler qarauylda otyr. Balalar qorqyp, «üige baraiyq» dedı. Men «joq, balamnyŋ qyrqy ötsın, mäselenı bırjaqty etıp alaiyq, qatarlasyp jatsaq ta osy üide bolyŋdar» dedım. Rūqsat bermedım. Sonyŋ arqasynda olar aman qaldy. Bır körşım «täte, keşe saǧat 5-te jūmysqa ketıp bara jatqanda nömırsız ekı «Mersedes» kölıgı köşenı ainalyp jürgen, sosyn ketıp bara jatqan soŋ sızderdı şoşytpaiyn dep aitpadym. Taŋerteŋ qaityp kele jatsam, sol kölıkter taǧy tūr eken. Joǧary organdarǧa aitpadyŋyzdar ma adam bersın dep» dedı. Mıne, üi örtendı, balam öldı. Sodan keiın ǧana küzetuge esıgımızdıŋ aldyna patrul kölıgın berdı. Oǧan deiın ükımetımız qimyldauǧa bolatyn edı. Menıŋ taŋǧalatynym, olardyŋ (qylmys jasaǧan adamdardyŋ – red.) üiıne, köşesıne patrul kölıgın berıp qoiypty. Bızdı şabuyldaidy dep. Ükımet solardyŋ sözın söilep tūrǧan siiaqty", - deidı marqūm Şerzat Bolattyŋ äjesı.Aita keteiık, Talǧarda kısı qolynan qūrban bolǧan Şerzat Bolattyŋ äkesı Qarjaubai Nūrymov qazaqstandyqtarǧa ündeu jasaǧan edı.
Ūqsas jaŋalyqtar
