Bügın QR Ǧylym jäne joǧary bılım ministrı Saiasat Nūrbek Memleket basşysynyŋ tapsyrmasy boiynşa jas ǧalymdarǧa 10 päter sertifikattaryn saltanatty türde tabystady.
Prezidenttıŋ 2024 jylǧy 31 mamyrda Ǧylym ordasynda jas ǧalymdarmen kezdesuınde bergen tapsyrmasyn oryndau maqsatynda ǧalymdardyŋ äleumettık märtebesın köteru jäne qoldau körsetu, sondai-aq ǧylymǧa jas kadrlardyŋ keluın yntalandyru üşın Respublikalyq komissiia Almaty qalasynda baspana beru üşın memlekettık organdarǧa vedomstvolyq baǧynysty ǧylymi ūiymdardyŋ, joǧary jäne joǧary oqu ornynan keiıngı bılım beru ūiymdarynyŋ jas ǧalymdarynyŋ kezektı tızımın aiqyndady.
Ministr Saiasat Nūrbek jas ǧalymdarmen kezdesu barysynda ǧylym men innovasiiany damytu – el damuynyŋ ekonomikalyq baǧytynyŋ negızgı basymdyqtarynyŋ bırı ekenın aita otyryp, Memleket basşysynyŋ qoldauymen ǧylym salasynda aitarlyqtai özgerıster bolǧanyna toqtaldy.
«Memleket basşysy «Ǧylym jäne tehnologiialyq saiasat turaly» Zaŋǧa qol qoidy. Jas ǧalymdardyŋ zertteulerın granttyq qarjylandyruǧa arnalǧan konkurstardyŋ nätijesınde 1500 joba ıske asyryluda. Jyl saiyn älemnıŋ jetekşı ǧylymi ortalyqtarynda 500 qazaqstandyq ǧalym taǧylymdamadan ötude. Aldaǧy ekı jylda jas ǧalymdardyŋ zertteuıne bölınetın grant sany taǧy da köbeiedı. Ǧylymi kadrlardy äleumettık qoldau tek bar mamandardy qoldap qana qoimai, ǧylymi-tehnikalyq progreske üles qosuǧa daiyn jas ǧalymdardyŋ jaŋa buynyn tartuǧa mümkındık beredı. Jas ǧalymdardyŋ köbeiuı öz kezegınde ǧylymdy damytuǧa, zertteu nätijelerın kommersiialandyruǧa jäne jaŋa ekonomikalyq klasterler qūruǧa yqpal etedı», - dedı Saiasat Nūrbek.
Kezdesu barysynda jas ǧalymdardyŋ atynan söz söilegen Ūlttyq ǧaryştyq zertteuler jäne tehnologiialar ortalyǧynyŋ materialtanu zerthanasynyŋ meŋgeruşısı Laura Mūstafa elımızde jas ǧalymdarǧa körsetılıp jatqan qoldau jaily, ǧylymi-innovasiialyq jobalardy jüzege asyruda jas mamandarǧa arnalǧan baǧdarlamalar men mümkındıkterdıŋ keŋeitılıp jatqandyǧyn atap ötıp, alǧysyn bıldırdı.
Bügın köpten kütken jaŋa päter sertifikatyn alǧandar qatarynda ǧalymdar otbasysy da boldy. Jas ǧalymdar Aidar Moldajanov pen Aqmaral Qūlmahambetova – filosofiia doktorlary, PhD. «Bızdıŋ quanyşymyzdy sözben aityp jetkızu qiyn. Jas ǧalymdarǧa osyndai berılıp jatqan mümkındık üşın alǧys bıldıremız! Endı ǧalymdar öz päterlerınde tūryp, tūrǧyn üi mäselesın şeşuge alaŋdamai, ǧylymǧa köbırek uaqyt böle alady», - dep bölıstı olar.
QR Ǧylym jäne joǧary bılım ministrlıgı aǧymdaǧy jylǧy mamyr aiynan bastap baspanaǧa mūqtaj jas ǧalymdardyŋ (40 jasqa deiın qosa alǧanda) tızımın qalyptastyru boiynşa jūmys jürgızude. Almaty qalasynda ornalasqan memlekettık organdarǧa vedomstvolyq baǧynysty ǧylymi ūiymdar men joǧary oqu oryndarynan 300-ge juyq ötınım kelıp tüstı.
Kezdesu soŋynda, ministr jas ǧalymdardy qoldau maqsatynda vedomstvo būl jūmysty kezeŋ-kezeŋımen jüzege asyratynyn, osyndai naqty şaralar arqyly elımızdegı ǧylymdy jäne ǧalymdar qauymyn qoldau jūmysy aldaǧy uaqytta da jalǧasyn tabatynyn atap öttı.
Atap öteiık, Memleket basşysy 2024 jylǧy 31 mamyrda Almaty qalasynyŋ 10 jas ǧalymyna tūrǧyn üi sertifikattary tabystady. Sonymen qatar 2023 jylǧy 19 qazanda QR Ǧylym jäne joǧary bılım ministrlıgı men «Otbasy bank» AQ arasynda jas ǧalymdarǧa 2023-2027 jyldarǧa arnalǧan jeŋıldetılgen kredit beru baǧdarlamasy boiynşa yntymaqtastyq turaly kelısımge qol qoidy. Qazırgı uaqytta atalǧan baǧdarlama boiynşa 290 jas ǧalym jeŋıldıkpen baspana aldy.
