Pavlodar men Omby oblystarynyŋ şekarasynda AN-2T tielgen MAZ kölıgı ūstaldy, dep "Adyrna" ūlttyq portaly QazTAG-qa sıltep.
Pavlodar oblysy boiynşa memlekettık kırıster departamentınıŋ qyzmetkerlerı Ūlttyq qauıpsızdık komitetınıŋ şekara qyzmetımen bırlesıp, AN-2T äue kemesın tasymaldau faktısın anyqtady. Būl turaly Pavlodar oblysy memlekettık kırıster departamentınıŋ eksporttyq baqylau bölımı basşysy Maqsūt Qantarbaev senbı künı mälımdedı.
«Amangeldı» avtokölık ötkızu punktınde («RF Omby oblysynyŋ şekarasy») «MAZ 54323» markaly kölıktı tekseru barysynda salmaǧy 3 tonna 600 kg bolatyn AN-2T ūşaǧy tasymaldanyp jatqany anyqtaldy. Onyŋ baǧalau qūny – 1 800 000 resei rublı», – dedı Qantarbaev.Ūşaqty azamat M. auksionnan jeke maqsatta satyp alǧan. Alaida şekaradan ötken sätte azamat M.-nıŋ arnaiy tauarlardy säikestendıru turaly qorytyndysy bolmaǧan. Būl qūjat belgılı bır tauardyŋ azamattyq nemese äskeri maqsatta qoldanylatynyn anyqtau üşın qajet. Pavlodar oblysy Ertıs audandyq sotynyŋ qaulysymen azamat M. Äkımşılık qūqyqbūzuşylyq turaly kodekstıŋ 463-babynyŋ 1-bölıgı boiynşa kınälı dep tanylyp, oǧan 50 myŋ teŋgeden astam kölemınde aiyppūl salyndy.
