Petropavlda er adam kölıgın 5 minuttan artyq qyzdyrǧany üşın aiyppūl töleuge mäjbür boldy, dep habarlaidy "Adyrna" ūlttyq portaly.
Būl turaly polisiiaǧa körşısı habarlaǧan. Nätijesınde kölık iesıne 5 AEK (19 660 teŋge) aiyppūl salyndy.
Būl jaǧdai öŋır tūrǧyndary arasynda qyzu talqylandy. Sebebı aua temperaturasy keide -40 gradusqa deiın tömendeitın aimaqta kölıktı 5 minutta jylytu qiyn.
Işkı ıster departamentı būl talaptyŋ jaŋalyq emes ekenın, jol jürısı qaǧidalarynyŋ 20 jyldan berı bar bölıgı ekenın tüsındırdı. Olardyŋ mälımetınşe, eger kölık qozǧaltqyşy qosuly küide 5 minuttan artyq tūrsa jäne būl tūrǧyndarǧa qolaisyzdyq tudyrsa, kölık iesıne Äkimşilik qūqyq būzuşylyq turaly 597-babynyŋ 1-bölıgı “Kölik qūraldaryn toqtatu nemese toqtap tūru qaǧidalaryn būzu” boiynşa aiyppūl salynady.
Soltüstık Qazaqstan oblysynyŋ polisiia departamentı mūndai aiyppūldardyŋ jappai salynbaitynyn, tek tūrǧyndardan şaǧym tüsıp, jetkılıktı dälelder bolǧan jaǧdaida ǧana şara qoldanylatynyn aitty.
Eske sala keteiık, būǧan deiın kölıktı 5 minuttan artyq qyzdyrǧandarǧa 19 myŋ teŋge aiyppūl salynatyny turaly jazǧan edık.
15 qaŋtar künı Mäjılıste kölıktı 5 minuttan artyq qyzdyrǧany üşın aiyppūl salu normasyn ortalyq jäne soltüstık öŋırlerdıŋ klimattyq erekşelıkterın eskere otyryp, ädılettı joldaryn qarastyru ūsynyldy.
Ūqsas jaŋalyqtar
