Astanada 21 jastaǧy geimer oiynǧa qatysty eskertu jasaǧan tuysyn pyşaqtap öltırdı, dep habarlaidy "Adyrna" ūlttyq portaly.
«Küdıktı, elordada tūratyn 21 jastaǧy azamat, ūstalyp, uaqytşa ūstau izoliatoryna qamaldy. Kısı öltıru faktısı boiynşa qylmystyq ıs qozǧaldy. Aldyn ala mälımetter boiynşa, janjaldyŋ sebebı tuystarynyŋ oǧan jasaǧan eskertuı bolǧan. Oqiǧanyŋ män-jaiy anyqtaluda», – dep habarlady Astana polisiia departamentınıŋ baspasöz qyzmetı.
Jurnalist Mihail Kozachkov özınıŋ Telegram-kanalynda 21 jastaǧy er adamnyŋ nemere aǧasyn öltırıp, üş tuysyn pyşaqtaǧanyn jazdy. Aldyn ala mälımet boiynşa, olardyŋ arasynda kompiuter oiynyna bailanysty janjal bolǧan.
«Jıgıttıŋ jalǧyz äuestıgı – Standoff 2 oiyny bolǧan, onda qarsylastardy atyp, granata laqtyryp, pyşaqpen şabuyl jasauǧa bolady. Tergeu nūsqasy boiynşa, sol qaiǧyly tünı jıgıt smartfonnan süiıktı oiynyn oinap otyrǧan. Tüngı saǧat üş şamasynda tuysy odan telefondy öşırıp, ūiyqtauyn sūraǧan. Sebebı bükıl otbasy demalyp jatqan. Bıraq ol ötınışke nazar audarmaǧan», – dep jazdy Kozachkov.
Jurnalisttıŋ aituynşa, keiın tuysy jıgıtten qaitadan tynyştyq saqtap, basqalarǧa ūiyqtauǧa kedergı keltırmeuın talap etken. Būl janjaldyŋ sebebı boluy mümkın.
«Barlyǧy ūiyqtap jatqanda, Janǧali Jūmataev as üi pyşaǧyn alyp, nemere aǧasyna – eskertu jasaǧan tuysynyŋ ūlyna 20-dan astam soqqy jasaǧan. Jaraqat saldarynan 28 jastaǧy er adam jedel järdem kelgenşe köz jūmǧan. Onyŋ aiqaiynan oianǧan basqa tuystaryna da Jūmataev pyşaqpen şabuyl jasaǧan. 50 jastaǧy äieldıŋ betı men moinynda köp jaraqattar bar, 60 jastaǧy äieldıŋ qabyrǧalary synǧan, keude tūsynda jäne basqa dene bölıkterınde jaraqattar bar», – dep jazdy jurnalist.
Kozachkovtyŋ aituynşa, şabuyldauşynyŋ nemere qaryndasynyŋ basynda, keudesınde jäne arqasynda köptegen pyşaq jaraqattary bar.
«Qazır üş zardap şekken äiel auruhanada. Olardyŋ tırı qaluǧa mümkındıgı bar», – dep qorytyndylady jurnalist.
Ūqsas jaŋalyqtar
