Aqtöbede "halyq emşısı" şipa ızdegen halyqty 23 million teŋgege san soqtyrǧan, dep habarlaidy "Adyrna" ūlttyq portaly.
Bügınde emşınıŋ üstınen “Alaiaqtyq” baby boiynşa qylmystyq ıs qozǧaldy.
Emşıge ümıt artqan halyq baqsy äiel gipnoz jasap, dem salǧanyn aitqan. Em alǧandar telefondy emşınıŋ qolyna bere salǧanyn aityp, san soqqanyn keş tüsıngen. Baqsy äiel kerek somaǧa nesie räsımdetıp, bar aqşany sanap alǧan.
“Nesie alyp berşı dedı. Menıŋ de kreditım bar dedım. Sodan maǧan em jasady. Sol jerde basym auyrdy. Siöitıp sol üiden kete almai qaldym. Sondai siqyr bar eken. Sol üide qondym. Erteŋınde menı jetektep bankke alyp bardy. Qasymda tūryp, nesie räsımdetıp, qolymdy qoiyp, kassanyŋ aldynda tūryp aqşanyŋ bärın sanap aldy”, – deidı aldanǧandardyŋ bırı Gülzipaş Töremūratova.
Alaiaq adamdardan eŋ azy 1 million teŋge nesie alǧan körınedı.
“Alǧaşynda kışkentai somadan bastaidy. 457 myŋ teŋge boldy. On künnen keiın kelseŋ taǧy da gipnoz jasaidy. Odan keiın eşteŋe bılmeisıŋ. Men “apa” dep qarsylyq bıldırgende “Qūdai tūr, qara, jolyŋ bolmaidy, jolyŋ jabylyp qalady, 5 balaŋ bar” dep qorqytady”, – deidı köpbalaly ana.
Osylaişa zardap şekkenderdıŋ sany jüzge juyqtaǧan. Basy dauǧa qalǧan äieldı polisiia alyp ketken.
“Qylmystyq kodekstıŋ 190-baby bölıgıne säikes Aqtöbe qalasynyŋ tumasyna qatysty üşınşı qalalyq polisiia bölımınıŋ 16 aryzdanuşynyŋ şaǧymy boiynşa sotqa deiıngı tergep-tekseru bastaldy. Qazır tergeu amaldary jürgızılıp jatyr”, – dedı Qalalyq PD bastyǧy.
Ūqsas jaŋalyqtar
