Almaty äkımı Erbolat Dosaev Almaty ippodromǧa qatysty sūraqtarǧa jauap biuerdı, dep habarlaidy "Adyrna" ūlttyq portaly.
Äkım Jetısu audanynyŋ tūrǧyndarymen kezdesu barysynda at sportynyŋ jattyqtyruşysy Almaty ippodromyn retke keltırudı sūrady.
Dosaev ippodromnyŋ taǧdyryna qatysty mäselemen belsendı türde ainalysyp jatqanyn jäne ötken jyldyŋ jazynan berı belgılı bır ılgerıleu bar ekenın aitty.
"Bız menşık ielerımen kelıssözder jürgıze bastadyq, olardan ippodromdy damytu boiynşa dūrys baǧdarlama äzırleudı sūradyq. Qazır sony kütıp otyrmyz. Eger jekemenşık bolsa, damytu qajet ekenın aittyq. Köpşılık aityp jürgendei, būl jerdıŋ nysanaly maqsaty özgergen joq, iaǧni köpqabatty tūrǧyn üi salu josparda joq. Ökınışke qarai, qazırgı menşık ielerınıŋ qarjylyq mümkındıkterı tolyqqandy rekonstruksiia jasauǧa jetkılıksız dep küdıktenemın. Osy kelısımge säikes, olarǧa nauryzdyŋ aiaǧyna deiın uaqyt berıldı, sodan keiın ne ısteu kerektıgın oilaimyz. Būl jer telımınıŋ naryqtyq baǧasy bar, jaŋa investor tabamyz nemese qala özı qandai qadamdar jasaitynyn şeşedı. Ärine, būl arzanǧa tüspeidı. Bıraq, ekınşı jaǧynan, bızdıŋ sportşylardyŋ oblysta jattyǧuǧa mäjbür boluy – jaǧymsyz jaǧdai", – dedı Erbolat Dosaev.
Ūqsas jaŋalyqtar
