Qaraǧandy oblysynyŋ Şahtinsk qalalyq soty «Arselor Mittal Temırtau» kompaniiasynyŋ tört qyzmetkerıne ükım şyǧardy. Olardy «Tau-ken jūmystaryn jürgızu kezınde qauıpsızdık erejelerın būzu» boiynşa aiypty dep tanyp, ärqaisysyna tört jyl bas bostandyǧynan aiyru jazasyn taǧaiyndady, dep habarlaidy CMN.KZ.
Qaiǧyly oqiǧa 2023 jyldyŋ 17 tamyzynda «Qazaqstan» şahtasynda bolǧan. Ört kezınde 227 adam bolyp, olardyŋ 222-sı jer betıne şyǧaryldy. Bes kenşı qaza tapty, 17 adam ortaşa jäne auyr dene jaraqattaryn aldy. Sol uaqytta şahta «ArselorMittal Temırtau» kompaniiasyna tiesılı bolatyn, qazır Qarmet qūramyna kıredı.
Sotqa uaqytşa öndırıstık direktordyŋ orynbasary, konveier tasymaly bölımınıŋ bastyǧy jäne taǧy ekı qyzmetker tartyldy.
Sotta anyqtalǧandai, aiyptaluşylar jabdyqtyŋ deformasiiasy turaly bılgen, bıraq şahtadaǧy jūmysty toqtatpaǧan.
«Kömır konveinerınıŋ D6 gorizonty −170 pozisiia 2-bis üşın qūjaty joq bolǧandyqtan, metaldan jasalǧan küşeitkıştıŋ būzyluymen jūmysty toqtatu şaralaryn qoldanbaǧan, ortaşa janǧyştyqtaǧy konveier lentasynyŋ jūmys ısteuıne rūqsat bergen jäne ūzaq uaqyt boiy tögılgen materialdy tazartu jäne ainalmaityn jäne ısten şyqqan rolikterdı auystyru boiynşa jöndeu auysymyna jūmys būiryǧy berılmegen», – dep habarlady vedomstvonyŋ baspasöz qyzmetı.
Sot barlyq aiyptaluşylarǧa minimaldy qauıpsızdık mekemesınde tört jyl bas bostandyǧynan aiyru jazasyn taǧaiyndady. Prokuror da däl osyndai merzımdı sūraǧan. Al qorǧauşylar aqtau ükımın şyǧarudy talap ettı.
Ükım älı zaŋdy küşıne engen joq.
Būǧan deiın Qarmet ökılderı 2023 jylǧy örtten zardap şekken «Qazaqstan» şahtasynyŋ uchaskesın qalpyna keltıru jospary turaly habarlaǧan bolatyn.
