Almatyda belgılı käsıpker, ekolog, innovasiialyq patentterdıŋ avtory Oljas Düisen qamauǧa alyndy. Būǧan deiın ol zaŋsyz qysym körıp jatqanyn aityp, äleumettık jelıde mälımdeme jasaǧan bolatyn, dep habarlaidy "Adyrna" ūlttyq portaly.
"Qazırgı uaqytta menı tergeu izoliatoryna alyp ketuge keldı. Bız taǧylǧan aiyptardyŋ negızsız ekenın däleldeitın barlyq aiǧaqtardy ūsyndyq. Alaida, prokuratura būl dälelderdı qabyldamai otyr. Būl – zaŋsyzdyq. Eger mūndai jaǧdai jalǧasa berse, erteŋ kez kelgen adam osyndai qysymǧa ūşyrauy mümkın", – dedı Oljas Düisen äleumettık jelıdegı soŋǧy jazbasynda.Käsıpkerdıŋ aituynşa, ol KazEcoSolutions serıktestıgınıŋ būrynǧy serıktesı Erjanovtyŋ aryzy boiynşa qylmystyq ıske tartylǧan. Alǧaşynda oǧan qarjy jymqyru aiyby taǧylsa, keiın būl aiyptaulardy joqqa şyǧaratyn qūjattar ūsynylǧan soŋ, prokuratura reiderlık jasady degen jaŋa ıs qozǧaǧan. Oljas Düisen būl ıstıŋ artynda belgılı bır tūlǧalardyŋ müddesı baryn aityp, qūqyq qorǧau organdary olardyŋ tapsyrysyn oryndap otyr dep sanaidy. Sonymen qatar, būl bırınşı ret jasalǧan qysym emes ekenın eskerttı. Ol 2024 jyldyŋ qaraşasynda Bakudegı klimattyq mitingke qatysyp jürgen kezde özıne repressiia jasaluy mümkın ekenın boljaǧanyn aitty. Ekologtyŋ sözınşe, būl janjal 2008 jyldan berı jalǧasyp keledı. Ol serıktesterımen bırge KazEcoSolutions kompaniiasyn qūryp, topyraqty tazartu jäne qaldyqtardy öŋdeumen ainalysa bastaǧan. Keiın bırneşe kelısım nätijesınde kompaniianyŋ jalǧyz iesı atanǧan. Alaida, onyŋ būrynǧy serıktesı Erjanov būl mämılelerdı zaŋsyz dep tanymaq bolǧan. Täuelsız audit nätijesınde, kerısınşe, Erjanovtyŋ özı 23 million teŋge qarjy jymqyrǧany anyqtalǧan. Ekolog ärı käsıpker özınıŋ taǧylǧan aiyptar oidan qūrastyrylǧanyn aityp, ädıldık talap etıp otyr.
Ūqsas jaŋalyqtar
