Astanada salynatyn LRT (jeŋıl relstı kölık) jüiesınıŋ alǧaşqy vagondary Qytaidyŋ Tanşan qalasynda qūrastyrylyp jatyr. City Transportation Systems (CTS) kompaniiasynyŋ mälımetınşe, bırınşı partiiada 19 jyljymaly qūramǧa tapsyrys berılgen, dep habarlaidy "Adyrna" ūlttyq portaly.
Ūzyndyǧy 60 metr bolatyn būl poiyzdar GOA 4 deŋgeiındegı avtomattandyrylǧan basqaru jüiesımen jabdyqtalady. Būl jüie esıkterdıŋ avtomatty aşyluy men jabyluyn, toqtau jäne jyldamdyqty retteudı, depoǧa kıru jäne şyǧudy, poiyzdardyŋ jaǧdaiyn baqylaudy, qaşyqtyqty retteudı qamtamasyz etedı.
Qazırgı uaqytta vagon korpustary aliuminii qorytpasynan jasalyp, dänekerleu jūmystary jürgızılude. Kompaniia ökılderınıŋ aituynşa, alǧaşqy poiyzdar mamyr aiynyŋ soŋyna deiın daiyn bolmaq.
CTS basqaruşy direktory Orynbasar Aǧybaev qyrküiek aiynda vagondar Astanaǧa jetkızılgennen keiın synaq kezeŋı bastalatynyn atap öttı.
"Testılık ıske qosu – paidalanuǧa berudıŋ maŋyzdy kezeŋı. Būl synaqtar bırneşe aiǧa sozylady, onyŋ nätijesınde LRT jüiesın tolyq ıske qosu turaly şeşım qabyldanady", – deidı ol.
LRT jüiesınıŋ alǧaşqy testılık ıske qosyluy 2024 jyldyŋ qyrküiek aiyna josparlanǧan.
Ūqsas jaŋalyqtar
