1 nauryz ben 1 säuır aralyǧynda Almatyda «Taza Qazaqstan» baǧdarlamasy aiasynda «Almaty – bızdıŋ ortaq üiımız» atty auqymdy ekologiialyq nauqan ötude. Būl bastamanyŋ negızgı maqsaty – qala tazalyǧyn qamtamasyz etu arqyly onyŋ ekologiialyq jaǧdaiyn jaqsartu jäne tūrǧyndardyŋ qorşaǧan ortaǧa degen jauapkerşılıgın arttyru.
Nauqan bır aiǧa jalǧasatyndyqtan, är aptaǧa arnaiy ıs-şaralar jospary äzırlengen:
- «Taza köşeler» (1-9 nauryz) – aialdamalardy, jol belgılerın tazartu, qoqys jäşıkterın ornatu, magistraldardy abattandyru.
- «Taza saiabaqtar, skverler men taular» (10-16 nauryz) – tabiǧi aumaqtarda senbılıkter ūiymdastyru, qoqys jinau jūmystary.
- «Taza aulalar» (17-23 nauryz) – aula aumaqtaryn, balalar jäne sport alaŋdaryn tazalau, abattandyru elementterın syrlau jäne kögaldandyru. Sonymen qatar, «Üzdık aula», «Üzdık aula sypyruşy», «Üzdık bau-baqşa» konkurstary ötedı.
- «Bızdıŋ qala – bızdıŋ maqtanyşymyz» (24 nauryz – 1 säuır) – eskertkışterdı abattandyru jäne jappai aǧaş otyrǧyzu.
Almaty qalasynyŋ äkımdıgı tūrǧyndardy «Almaty – bızdıŋ ortaq üiımız» ekologiialyq nauqanyna belsendı qatysuǧa şaqyrady.
«Üzdık kommunaldyq qyzmetker» baiqauy
Nauqan aiasynda Almaty äkımdıgı kommunaldyq salada eŋbek etetın üzdık qyzmetkerlerdı anyqtau maqsatynda «Üzdık kommunaldyq qyzmetker» baiqauyn jariialady.
Baiqaudyŋ maqsaty – qala tūrǧyndarynyŋ ömır süru jaǧdailaryn jaqsartu, kommunaldyq qyzmet sapasyn arttyru jäne osy saladaǧy bılıktı mamandardy yntalandyru. Oǧan köşe tazalauşylary, qūrylysşylar, elektrmen qamtamasyz etu salasynyŋ mamandary jäne basqa da kommunaldyq qyzmet ökılderı qatysa alady. Baiqau jeŋımpazdary arnaiy marapattar men alǧys hattarǧa ie bolady.
Äkımdıktıŋ mälımdeuınşe, mūndai şaralar Almaty qalasynyŋ kommunaldyq qyzmet salasyn damytuǧa jäne ekologiialyq jaǧdaiyn jaqsartuǧa oŋ äser etedı. «Üzdık kommunaldyq qyzmetker» baiqauy – Almaty tūrǧyndarynyŋ ömır sapasyn arttyruǧa baǧyttalǧan bırqatar jobalardyŋ qūramdas bölıgı.
Almaty äkımdıgı qala tūrǧyndaryn osy maŋyzdy şaraǧa belsendı qatysuǧa şaqyrady jäne kommunaldyq salanyŋ üzdık qyzmetkerlerınıŋ esımderın jariialaudy asyǧa kütedı.
Basqalarmen bölıse
otyryŋyz
