«QazAvtoJol» ūlttyq kompaniiasy taǧy Europalyq qaita qūru jäne damu bankınen (EQDB) nesie almaq. Būl turaly halyqaralyq qarjy instituynyŋ saitynda jazylǧan, dep habarlaidy ”Adyrna” ūlttyq portaly kursiv.kz saityna sıltep.
Saitta jazylǧan mälımetke säikes, bank ūlttyq kompaniiaǧa 232,6 mlrd teŋge kölemınde qarjy bermek. Būl qarajat jobalyq jäne qūrylys jūmystaryna jūmsalady, sondai-aq Aqtöbe-Ūlǧaisyn jolynyŋ 234 şaqyrymyn qaita jöndeuden ötkızedı.
Äzırge nesie beru turaly joba qaralyp jatyr, 7 mamyrda bekıtıluı kerek. EQDB-men qatar Aziialyq infraqūrylymdyq investisiia bankı de qarjylandyru böledı.
Jospar boiynşa, Aqtöbe-Ūlǧaisyn avtojoly ekı jolaqtan tört jolaqqa deiın keŋeiuı kerek. Jalpy jobanyŋ qūnyn 1 mlrd euro dep baǧalap otyr. Negızgı tört aumaqqa bölıngen. Aqtöbe-Ajar (28 şaqyrym), Aqjar-Hromtau (28 şaqyrym, qūrylys kezeŋınde), Hromtau-Belqopa (108 şaqyrym) jäne Belqopa-Ūlǧaisyn (98 şaqyrym).
Inbusiness esepteuınşe, būl joba «QazAvtoJol» men europalyq bank arasyndaǧy altynşy nesielık kelısım. Būǧan deiın 2024 jyly «QazAvtoJol» Düniejüzılık bank pen Aziialyq infraqūrylymdyq investisiialar bankınen 1,3 mlrd dollar investisiia tartqan. Ol qarajat Qaraǧandy-Jezqazǧan avtojolynyŋ jöndeu jūmystary üşın alynǧan. Al ötken jyly küzde «QazAvtoJol» Aziialyq damu bankınen Qyzylorda-Jezqazǧan avtomagistralın qalpyna keltıru üşın 291,5 mln dollar alady dep habarlanǧan edı.
Kompaniianyŋ qarjy esebıne süienetın bolsaq, 2024 jyldyŋ bırınşı jartyjyldyǧynda «QazAvtoJoldyŋ» EQDB aldynda 180 mlrd teŋge, Aziialyq damu bankı aldynda 64 mlrd teŋge, Qytai Eksimbankı 723 mlrd teŋge jäne Euraziialyq damu bankı aldynda 47 mlrd teŋge ūzaq merzımdı kreditı bolǧan. Būl qaryzdyŋ basym bölıgın 2034-2039 jyldar aralyǧynda töleuı qajet.
«QazAvtoJoldyŋ» aqyly joldardan tabys tabatynyn da eskeru kerek. 2024 jyly odan tüsken kırıs 399 mln teŋgenı qūrap, taza paida 32%-ǧa artqan. Bıraq şyǧyn da az emes. Byltyr jol infraqūrylymyn jaŋalauǧa, jöndeu jūmystaryna jäne jol tehnikasyn satyp aluǧa 47,4 mlrd teŋge bölıngen.
