Memleket basşysy Qasym-Jomart Toqaev bügın Burabaida ötıp jatqan Ūlttyq qūryltaidyŋ IV otyrysynda Qazaqstannyŋ auyl şaruaşylyǧyndaǧy äleuetı zor ekenın, endı sony tiımdı paidalanatyn kez kelgenın aitty. Qordalanǧan mäselerdı şeşıp, osy saladaǧy eŋbek önımdılıgın üş ese arttyrudy tapsyrdy, dep habarlaidy “Adyrna”.
«Qazaqstannyŋ auyl şaruaşylyǧyndaǧy äleuetı zor ekenı belgılı. Endı sony tiımdı paidalanatyn kez keldı. Elımızdıŋ äuelgı mümkındıkterıne qarasaq, bız äldeqaşan älemdegı alpauyt agrarlyq memlekettıŋ bırı boluǧa tiıs edık. Bıraq auyl şaruaşylyǧyna jetkılıktı qarjy salynǧan joq. Būl salany jemqorlar men alaiaqtar iemdenıp keldı. Olardyŋ ışınde memlekettık qyzmetşıler de boldy. Jalǧan mälımetterdıŋ kesırınen memleket qaǧaz jüzındegı mal sanyna jyldar boiy subsidiia töledı. Qazır qordalanǧan mäselenıŋ bärın şeşıp, agroönerkäsıp keşenın jaŋa deŋgeige köteru üşın köp jūmys jasalyp jatyr. Bız aldaǧy bes jylda auyl şaruaşylyǧynyŋ jalpy önımın ekı ese köbeitıp, osy saladaǧy eŋbek önımdılıgın üş ese arttyruymyz kerek. Būl – öte maŋyzdy mındet. Qazaqstan 10 jyl ışınde bidaidy tereŋ öŋdep, daiyn önım öndıretın jäne ony älemdık naryqqa şyǧaratyn eŋ üzdık on eldıŋ qataryna qosyluǧa tiıs» – dedı Prezident.
