Maŋǧystau oblysyndaǧy Maŋǧyşlaq stansiiasynan Aqtau teŋız portyna deiıngı magistraldyq temırjol jelısı memleket menşıgıne qaitarylady, dep habarlaidy "Adyrna" ūlttyq portaly QazTAG-qa sıltep.
Būl şeşımdı Maŋǧystau oblysynyŋ mamandandyrylǧan audanaralyq ekonomikalyq soty 14 nauryzda qabyldady.
Prokuraturanyŋ mälımetınşe, «Kaskor-Transservis» AQ atalǧan temırjol jelısın ielıgınde zaŋsyz ūstap kelgen. Qazaqstan zaŋnamasyna säikes, magistraldyq temırjol jelılerı memlekettık menşıkte boluy tiıs. Osyǧan bailanysty kölık ministrlıgı sotqa talap aryz berıp, ony tolyq kölemde qanaǧattandyrdy.
«Būl şeşım – elımızdıŋ kölık infraqūrylymyn tūraqty damytu jäne temırjol jüiesınıŋ strategiialyq nysandaryn memleket baqylauyna alu üşın maŋyzdy qadam», – dep mälımdedı Bas kölık prokuraturasy.
Atalǧan kompaniia Nūrtai Äbıqaev pen Jaqsybek Külekeevke jaqyn adamdarǧa tiesılı. Qarjy ministrlıgınıŋ derekterıne säikes, kompaniianyŋ affiliirlengen tūlǧalary qatarynda 2010 jyldan berı Nūrtai Äbıqaevtyŋ ūly – Marat Äbıqaev bar. Al Jaqsybek Külekeev 2021 jyldan berı kompaniianyŋ direktorlar keŋesınıŋ müşesı.
Jaqsybek Külekeev – Euraziia ūlttyq universitetınıŋ direktorlar keŋesınıŋ töraǧasy jäne Prezident janyndaǧy äleumettık-ekonomikalyq reformalardy monitoringteu jäne taldau ortalyǧynyŋ müşesı. Būryn ol joǧary memlekettık qyzmetter atqarǧan.
2008 jyly «Qazaqstan temır joly» ūlttyq kompaniiasynyŋ prezidentı bolǧan kezde lauazymdyq ökılettıgın terıs paidalanu boiynşa aiyptalyp, üş jylǧa bas bostandyǧynan aiyrylǧan. Ol memlekettık satyp alu tenderlerınde zaŋbūzuşylyqtar jasaǧany, temırjol qūrylysyna qajettı materialdardy qymbat baǧaǧa satyp alǧany jäne qyzmettık kölık retınde Lexus LX 470 avtokölıgın joǧary baǧamen ielengenı üşın sottalǧan.
Ūqsas jaŋalyqtar
