"Student däpterınen" bastalǧan aqyndyq ǧūmyr. Tūmanbaidyŋ 90 jyly

Bügın qazaq ädebietınıŋ körnektı ökılı, Qazaqstannyŋ Halyq jazuşysy, Memlekettık syilyqtyŋ laureaty Tūmanbai Moldaǧalievtıŋ tuǧanyna 90 jyl toldy. Tūmanbai Moldaǧaliev 1935 jyly 20 nauryzda Almaty oblysy, Eŋbekşıqazaq audany, Jarsu auylynda düniege kelgen. Qazaq memlekettık universitetınıŋ filologiia fakultetın tämamdaǧan. Ädebiettegı alǧaşqy qadamdaryn «Leninşıl jas» (qazırgı «Jas Alaş») gazetınde bastady. Keiın «Pioner» (qazırgı «Aq jelken») jäne «Baldyrǧan» jurnaldarynda, sondai-aq «Jalyn» baspasynda qyzmet atqardy. Aqynnyŋ alǧaşqy öleŋder jinaǧy «Student däpterı» 1957 jyly jaryq kördı. Ol özınıŋ syrşyl, näzık sezımge toly jyrlarymen halyq jüregınen oryn aldy. «Kämila», «Köktem taŋy», «Alatau qyzy», «Feriuza turaly jyr», «Zulaidy künder» siiaqty jinaqtary qazaq poeziiasynyŋ altyn qoryna endı. Tūmanbai Moldaǧaliev qazaq poeziiasynda tek öleŋderımen ǧana emes, sondai-aq jürekke jyly tietın än mätınderımen de keŋ tanyldy. Onyŋ sözıne jazylǧan 500-den astam än halyq arasynda keŋınen taralǧan. Būl änder älı künge deiın halyqtyŋ süiıp tyŋdaityn şyǧarmalarynyŋ qatarynda. Tūmanbai Moldaǧaliev tek aqyn ǧana emes, audarmaşy retınde de tanyldy. Ol Bairon, Lermontov, Taras Şevchenko, Rasul Ǧamzatov, Ǧaffar Ǧūlam siiaqty älemdık klassikterdıŋ tuyndylaryn qazaq tılıne tärjımalady. Aqynnyŋ 13 jäne 14 tomdyq şyǧarmalar jinaǧy jaryq körıp, oqyrman qauymǧa ūsynyldy. Ol Fizuli atyndaǧy halyqaralyq türkı düniesı aqyndary syilyǧymen marapattaldy.