BŪŪ Bas Assambleiasynyŋ 79-sessiiasynda "Bükılälemdık jylqy künı" bekıtıldı, dep habarlaidy "Adyrna" ūlttyq portaly.
11 şılde - resmi türde Bükılälemdık jylqy künı bolyp jariialandy. Būl bastamany Moŋǧoliia prezidentı Uhnaagiin Hurelsüh köterıp, jobaǧa älemnıŋ barlyq öŋırınen 56 memleket qosylyp, bırlesken avtor retınde qoldady. Olardyŋ qatarynda Avstriia, Bahrein, Braziliia, Qytai, Oŋtüstık Koreia, Resei, Germaniia, Japoniia, Türkiia, Portugaliia jäne Ortalyq Aziianyŋ bes elı bar.
BŪŪ azyq-tülık jäne auyl şaruaşylyǧy ūiymynyŋ mälımetınşe, bügınde älemde 57 millionnan astam üi jylqysy bar. Jylqylar kölık, sport, turizm, demalys, medisina men taǧam
öndırısı salalarynda qoldanylady. Alaida, soŋǧy jyldary jylqy sany azaiyp keledı. Būǧan tehnikalyq progress, ekonomikalyq baǧyttardyŋ özgeruı, klimat pen ekologiialyq jaǧdailardyŋ özgeruı, sondai-aq adamnyŋ ömır saltynyŋ transformasiiasy sebep bolyp otyr
Jaŋa merekenı engızudegı basty maqsat – älem jūrtşylyǧynyŋ nazaryn jylqynyŋ adamzat örkenietındegı erekşe rölıne audaru, jylqy tūqymdaryn saqtau men damytuǧa qoldau bıldıru jäne atqa mınu mädenietın därıpteu. Sonymen qatar, būl kün jylqy ösırumen ainalysatyn halyqtardyŋ tarihi mūrasyn qūrmetteuge, äsırese köşpelı halyqtardyŋ ömır salty men mädenietın nasihattauǧa baǧyttalǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz