Qazaqstanda asta-tök toi jasaǧandar da salyq töleuı mümkın. Būl turaly qarjy vise-ministrı Erjan Bırjanov mäjılıs kuluarynda aitty, dep habarlaidy “Adyrna” ūlttyq portaly İnformbiuro31 -ge sıltep.
Mälımet boiynşa, memlekettık kırıster komitetı endı asabaǧa, banketke, tıptı toibastarǧa ketken aqşany esepteuge kırıstı. Eger şyǧyn tabysqa sai kelmese, salyqşylar tekserıs jürgızuı mümkın.
Köpşılık toi jasau üşın nesie alyp, jyldar boiy jinaǧan aqşasyn jūmsaidy.
«Būl prosess qoǧam qairatkerlerın de, blogerlerdı de, qarapaiym qazaqstandyqtardy da ainalyp ötpeidı. Tabysy men şyǧysynda säikessızdık anyqtalsa azamattarǧa qosymşa tekserıs jürgızıledı. Mysaly toidy jürgızgen asaba jeke käsıpker retınde tırkelu kerek. Tabysyn deklarasiiada körsetu kerek», deidı qarjy vise-ministrı Erjan Bırjanov mäjılıs kuluarynda.