Belgılı akter Şärıp Serık atyşuly videodan keiın ırı mediakompaniianyŋ qara tızımıne enıp, polisiia tergeu jürgızıp jatyr, dep habarlaidy “Adyrna” ūlttyq portaly.
Almaty qalalyq IID baspasöz qyzmetı Äliia Böteevanyŋ äleumettık jelıdegı mälımdemesı boiynşa tekseru jürgızılıp jatqanyn habarlady.
"Oqiǧaǧa qatysty tergeu amaldary jürgızılude. Oqiǧanyŋ bolǧan orny men uaqytyn qosa alǧanda, obektivtı män-jailar anyqtalyp, Qazaqstan Respublikasynyŋ zaŋnamasyna säikes şaralar qabyldanatyn bolady", – delıngen habarlamada.
Sondai-aq, qazaqstandyq mediakompaniia Salem Entertainment komandasy akter Şärıp Serıktı qara tızımge engızgenın aitty."Soŋǧy oqiǧalarǧa bailanysty Salem Entertainment komandasy akter Şärıp Serıktı qara tızımge engızu jäne barlyq yntymaqtastyqty tolyǧymen toqtatu turaly şeşım qabyldady. Qazırgı uaqytta būǧan deiın jariialanǧan "Şakal" jobalary men "Qarǧa" serialynyŋ üşınşı mausymy toqtatyldy, sonymen qatar akter basty rölderdıŋ bırın somdauy tiıs "Meow" serialynyŋ ekınşı mausymyna tüspeidı.Sonymen qatar, "Patrul: Soŋǧy būiryq" filmınıŋ komandasy prokatqa daiyndalyp jatqan filmnen Şärıp Serıkke qatysty körınısterdı alyp tastau boiynşa belsendı jūmys ıstep jatyr", – delıngen habarlamada.
Aktermen barlyq kelısımşarttar būzyldy, dep qorytyndylady mediakompaniia.Aita ketsek, säuırdıŋ 3-ı künı Almaty tūrǧyny Äliia Böteeva jıgıtı Şärıp Serıktıŋ özıne qarsy qol kötergenın aityp, dälel retınde video men fotony jariialaǧanyn habarladyq.
