Qyrǧyzstannyŋ Toqmaq qalasynda 2001 jyly tuǧan er adam qyzdy aldap kölıgıne otyrǧyzyp, elsız jerge aparǧan. Onda ol qyzdyŋ qol-aiaǧyn bailap, ony öz erkıne qarsy tūrmysqa şyǧuǧa mäjbürlemek bolǧan, dep habarlaidy “Adyrna” ūlttyq portaly 24.kg-ǧa sıltep.
Būdan keiın er adam qyzdy öz üiıne alyp baryp, ony batareiaǧa bailap qoiǧan. Alaida küdıktı ūiyqtap ketken sätte qyz özın bosatyp, dereu polisiiaǧa jügıngen.
Oqiǧa ornyna kelgen tärtıp saqşylaryna er adam qarsylyq körsetıp, qaşuǧa tyrysqan. Ol tıptı kölıgımen polisiia qyzmetkerın qaǧuǧa äreket jasaǧan. Alaida küdıktı Bışkek qalasynda qolǧa tüstı.
Qazır oǧan Qyrǧyzstan Qylmystyq kodeksınıŋ “Neke qiiuǧa mäjbürleu” baby boiynşa ıs qozǧaldy. Iske bailanysty medisinalyq jäne psihologiialyq saraptamalar taǧaiyndalyp, tergeu amaldary jalǧasuda.
Ūqsas jaŋalyqtar
