Belgılı bloger Salim Ailazov Qazaqstandaǧy sapary kezınde qazaq halqynyŋ qonaqjailyǧyna erekşe alǧys bıldırgen, dep habarlaidy “Adyrna” ūlttyq portaly.
Ol äleumettık jelıdegı paraqşasynda jol üstınde kölıgıne janarmai tausylyp, qiyn jaǧdaiǧa tap bolǧanyn aitqan. Alaida, däl osy sätte oǧan kömektesken qazaq azamattarynyŋ janaşyrlyǧy men meiırımı erekşe äser etıptı.
«Jolda janarmaiym tausylyp tūryp qaldym. Qazaqtar öz kölıkterınen janarmai qūiyp berdı. Ol ol ma, ashanaǧa aparyp, küştep tamaq ışkızdı. Nömırımdı alyp, qonaqqa şaqyrdy. Men būl närsege şydai almaimyn, menı tamaqtandyra berudı doǧaryŋdarşy, men şarşadym», – deidı ol äzılmen.
Bloger Ailazovtyŋ aituynşa, kerı jolǧa şyǧatyn kezde qazaq jıgıtterı kölıgın avtojuu ortalyǧyna aparyp, tegın juǧyzyp bergen. Būdan bölek, Astanadaǧy kürd dostarymen de kezdesu ūiymdastyrǧan.
«Jalǧyz kelıp edım, qaitarda 55 dos taptym. Qazaqtar, qoiyŋdarşy, boldy ǧoi. Adamdy küştep qonaqqa şaqyruǧa bola ma eken? Qazaqtar, bauyrlarym, bärıŋe şyn rizamyn. Bırıgıp qazaqşa kontent jasaimyz. Mädenietımızdı, ideologiiamyzdy bırge nasihattaiyq», – dep tüiındedı bloger.
Ol özınıŋ äleumettık jelıdegı ündeu videosynyŋ astyna jazba qaldyrǧan.
«Anam – Qazaqstan, Äkem – Kürdstan», - dep jazdy bloger.
Ūqsas jaŋalyqtar
