Qazaqstan Qaruly küşterınıŋ äskeri qyzmetşılerı AQŞ-tyŋ Arizona ştatyndaǧy Kemp Navaho äskeri bazasynda ötıp jatqan «Best Warrior – 2025» halyqaralyq äskeri saiysynda el namysyn qorǧady, dep habarlaidy "Adyrna" ūlttyq portaly QR Qaruly küşterıne sıltep.
Baiqauǧa elımızden qatysyp jatqan — 54835 äskeri bölımınıŋ 3-synypty serjanty Aslan Darhan men 18404 bölımınıŋ gvardiia serjanty Rauan Toqtarbekov. Ekeuı de būǧan deiın käsıbi şeberlıkterın däleldep, jüldelı oryndardy ielengen täjıribelı jauyngerler.
18 mamyrǧa deiın jalǧasatyn saiysqa AQŞ-tyŋ 7 ştaty, sondai-aq Fidji, Guam, Tonga men Filippinnen kelgen üzdık sarbazdar qatysuda. Arizona Ūlttyq gvardiiasy ūiymdastyratyn baiqauda qatysuşylar armiialyq fitnesten bastap, taktikalyq medisinaǧa deiıngı 10 türlı kürdelı synaqtan ötedı. Olardyŋ qatarynda tüngı küzet, jergılıktı jerdı baǧdarlau, M-240V pulemetınen atu jäne 22 şaqyrymdyq äskeri joryq bar.
3-synypty serjant Aslan Darhannyŋ 800 metrlık jügıru kezeŋınde tırkegen 2 minut 5 sekundtyq körsetkışı boldy. Būl nätije Arizona Ūlttyq gvardiiasy baiqau tarihyndaǧy rekord retınde tırkelıp, erekşe jetıstık retınde sanalyp otyr.
Ūqsas jaŋalyqtar
