Egipettegı äuejaida jarnama taqtasy qūlap, qazaqstandyq qaza tapty

Egipettegı Şarm-el-Şeih äuejaiynda jolauşylarǧa jarnama taqtasy qūlap, Qazaqstan azamatşasy qaza tapty, dep habarlaidy "Adyrna" ūlttyq portaly. 

17 mamyr künı Egipettıŋ Şarm-el-Şeih qalasyndaǧy äuejaida jolauşylardyŋ üstıne jarnamalyq qalqan qūlap, qaiǧyly oqiǧa oryn aldy. Oqiǧa saldarynan Qazaqstan azamatşasy qaza tauyp, taǧy ekı otandasymyz jeŋıl jaraqat aldy.

Būl turaly Qazaqstannyŋ Syrtqy ıster ministrlıgı mälımdedı.

«Şarm-el-Şeih äuejaiynyŋ ūşu zalynda reiske otyrǧyzudy kütıp otyrǧan jolauşylardyŋ üstıne jarnamalyq taqta qūlap ketken. Qaiǧyly oqiǧa saldarynan Qazaqstan azamatşasy qaitys boldy, taǧy ekı azamatşamyz jeŋıl jaraqat aldy»,

Ūqsas jaŋalyqtar

Almaty äuejaiy jūmysyn qaşan bastaityny belgılı boldy

Aqtöbe oblysynda mektep oquşylary tızgındegen kölık audarylyp, bır qyz köz jūmdy

Jöndeu jūmystaryna bailanysty. Astana äuejaiynda 100-den astam reis kestesı özgertıledı

Ministrlık marqūmnyŋ tuystarymen bailanys ornatyp, olarǧa barlyq qajettı konsuldyq kömek körsetılıp jatqanyn aitty.

«Jaraqat alǧan ekı azamatşaǧa tiıstı medisinalyq kömek körsetıldı, qazırgı taŋda olardyŋ ömırıne qauıp tönıp tūrǧan joq. Egipet tarapy Qazaqstan azamatşasynyŋ qazasyna bailanysty şyn köŋılden köŋıl aitty. Egipettıŋ azamattyq aviasiia ministrı būl oqiǧany jeke baqylauyna alyp, oqiǧa ornyna arnaiy komissiia jıberdı. Qazırgı uaqytta tiıstı tergeu jūmystary jürgızılıp jatyr», – dep mälımdedı QR SIM baspasöz qyzmetı.