1 mausym – Halyqaralyq balalardy qorǧau künıne orai elımızdıŋ barlyq öŋırınen kelgen oquşylar Aqordada qonaq boldy.
Qazaqstan Respublikasy Prezidentınıŋ rezidensiiasyna oqu üzdıkterı, pän olimpiadalarynyŋ, respublikalyq jäne halyqaralyq baiqaulardyŋ jeŋımpazdary, sport saiystarynyŋ jüldegerlerı, batyl äreketımen közge tüsken balalar keldı. Aqordanyŋ kışkentai qonaqtarynyŋ qatarynda köpbalaly otbasylardan şyqqan, ata-anasynyŋ qamqorlyǧynsyz qalǧan jäne erekşe qajettılıgı bar jetkınşekter de boldy.
Ekskursiia kezınde oquşylar Aqordanyŋ ortalyq saltanatty holy men resmi qabyldaular ötkızuge arnalǧan zaldardy, Memleket basşysynyŋ kıtaphanasyn, sondai-aq rezidensiia aumaǧyndaǧy baqty aralady.
Ekskursovodtar ǧimarat qūrylysynyŋ tarihy, onyŋ erekşelıkterı men mūnda ötetın ıs-şaralarǧa bailanysty qyzyqty faktıler jaiynda mälımet berdı.
Sonymen qatar oquşylarǧa Prezident atynan estelık syilyqtar tabystaldy.

