Qazaqstanda Qytaidan keletın tapsyrystarǧa negızdelgen surrogat analyq qyzmetterıne qatysty zaŋsyz ärı köleŋkelı naryq qalyptasqan, dep habarlaidy "Adyrna" ūlttyq portaly DW-ge sılteme jasap.
DW tılşılerıne sūhbat bergen Äliia men Natalia (esımderı özgertılgen) özderı siiaqty segız äieldıŋ atynan söilegen. Olar deldal kompaniialardan qoqan-loqy körgenderın, tıptı zorlyqpen basqa elge alyp ketıp, abort jasatu qaupı bolǧanyn aitqan. Jaǧdai uşyǧa bastaǧanda, äielder Albina jäne Azamat Bekqūlov esımdı advokattardan zaŋ kömegın sūraǧan.
Äleumettık jelı arqyly tartylǧan būl äielder 25–30 jas aralyǧynda, basym bölıgı jalǧyzbasty, tūraqty jūmysy men baspanasy joq. Olar Instagram men TikTok-taǧy jarnamalar arqyly surrogat ana boluǧa ūsynys alǧan. Onda 6–8 mln teŋge tölem, tegın baspana jäne jüktılık kezınde ai saiyn 500 dollar tabys uäde etılgen.
Medisinalyq tekseruden keiın äielderge embriondy
Proseduradan keiın äielder Qazaqstanǧa qaitarylǧan. Bırı – Almaty maŋyndaǧy kottedjge, ekınşısı – megapolistegı päterge ornalastyrylǧan. Būl üilerde qytailyq tapsyrys beruşılerdıŋ ökılderı tūryp, medisinalyq baqylau jürgızıp otyrǧan. Natalianyŋ aituynşa, 20-ǧa juyq surrogat ana öz balalarymen bırge tūryp jatyr. Äliia bolsa, körşı päterlerde de däl osyndai äielder baryn aitqan.
Mamandar būl jüienıŋ qataŋ qadaǧalausyz jüzege asyp jatqanyn, äielderdıŋ qūqyǧy men qauıpsızdıgıne qauıp töndırıp otyrǧanyn eskertedı. Sarapşylar mūndai köleŋkelı biznes memlekettık deŋgeide zerttelıp, qūqyqtyq şaralar qabyldanuy qajet dep otyr.
