Qazaqstan Prezidentı Ūlybritaniianyŋ biznes jäne sauda ısterı boiynşa memlekettık ministrı Nusrat Ǧanidı qabyldady, dep habarlaidy «Adyrna» ūlttyq portaly.
El prezidentı Qasym-Jomart Toqaev Ūlybritaniianyŋ memlekettık ministrı Nusrat Ǧanimen kezdesıp, Ūlybritaniia Qazaqstannyŋ negızgı sauda serıktesınıŋ bırı jäne el ekonomikasyna investisiia salu körsetkışı boiynşa jetınşı investor ekenın jetkızdı.
Memleket basşysynyŋ aituynşa, Qazaqstanda 550-den astam britandyq käsıporyn, olardyŋ arasynda Shell jäne Ernst & Young siiaqty jetekşı kompaniialar bar.
Al ekı el arasyndaǧy tauar ainalymy byltyrǧy jyly 60%-ǧa artyp, 1,8 milliard dollardy qūraǧan.
Bız Londonmen sauda jäne investisiia salalaryndaǧy bailanystarymyzdy keŋeituge müddelımız. Britandyq taraptyŋ da Qazaqstanmen jan-jaqty yntymaqtastyqty damytuǧa niet tanytyp otyrǧanyn erekşe atap ötkım keledı, – dedı Prezident.Öz kezegınde Nusrat Ǧani qūrmet körsetkenı üşın Qasym-Jomart Toqaevqa jäne Qazaqstan halqyna rizaşylyǧyn bıldırıp, Ūlybritaniia tarapy ekıjaqty bailanystardy damytuǧa basa män beretının atap öttı.
«Adyrna» ūlttyq portaly
Ūqsas jaŋalyqtar
