Dimaş Qūdaibergen älemdık jūldyzdarmen bırge «My Way» kompozisiiasyn oryndady

796
Adyrna.kz Telegram
https://adyrna.kz/content/uploads/2025/06/ac93fcf5-d4a4-4bd7-b6f7-51c0fd380982-960x500.jpeg?token=3917630b8d90ddd4dd2e61038ab9fd49

6 mausymda qaitalanbas erekşe kvartettıŋ premerasy öttı. «Virtuosos» jas aspapşylardyŋ 10-mereitoilyq baiqauynyŋ ekınşı finalynda qazylar alqasynyŋ müşelerı Hose Karreras, Plasido Domingo, Hauzer jäne Dimaş Qūdaibergen «My Way» atty aŋyzǧa ainalǧan kompozisiiany oryndady, dep habarlaidy “Adyrna” ūlttyq portaly Dimashnews saityna sıltep.

Aqparatqa säikes,  tenordyŋ äsem de tereŋ dauystary men violoncheldıŋ äuenı sahnada ömırdıŋ tereŋ kartinasyn ūsyndy.

Älemdık hitke ainalǧan būl ändı 1968 jyly 53 jasynda Frenk Sinatra jazǧan edı. Al 1994 jyly (Dimaştyŋ tuǧan jylynda) üş ūly tenor – Domingo, Karreras jäne Pavarotti Frenk Sinatranyŋ 79 jasqa toluyna syilyq retınde äigılı «The Three Tenors in Concert» konsertınde «My Way» kompozisiiasyn oryndaǧan bolatyn.

Ondaǧan jyldar ötken soŋ, «Virtuosos» jobasynyŋ sahnasynda däl osy ändı qazylar alqasynyŋ müşelerı – maestro Karreras pen maestro Domingo ūsynyp, şyǧarmaşylyq ömırdıŋ şeksız älem ekenın körsettı. Olarmen bırge kvartettıŋ qūramyna jas bolsa da älemge tanymal muzykanttar – Dimaş pen Hauzer qosyldy. Olar ūly muzykanttardyŋ tuyndysyn jas ūrpaqqa jetkızu maqsatynda muzykanttardyŋ baǧa jetpes täjıribesın rizaşylyqpen qabyldady.

«Maestro Domingomen, sondai-aq maestro Hose Karreraspen bırge jūmys ısteu menıŋ armanym bolatyn.

Eger sızder bızdıŋ baspasöz konferensiiamyzdy qaraǧan bolsaŋyzdar, onda men fanat retınde, jas janküier retınde söz söilegen bolatynmyn. Öitkenı olardyŋ aldynda şeşım qabyldau oŋai emes.

Al olar üşın, maestrolar üşın men de jas ūrpaqtyŋ ökılımın. Sondyqtan sol kezde men qatty qobaljyp, bıraq soǧan qaramastan keremet şabyt aldym. Olar älı de eŋbektenıp, älı de keremet än aitady. Men olardyŋ qoiylymdaryn asyǧa kütemın. 20 jyldan keiın, mümkın 30 jyldan keiın – Qūdai olardy qoldap, ūzaq ömır bersın!

Maestro Domingomen alǧaş kezdesken sätımde, men erekşe qobaljyǧan bolatynmyn… Men oǧan: «Maestro, men sızdıŋ arqaŋyzda muzykant boldym, änşı boldym. Sız menıŋ ömırımde ülken röl atqardyŋyz», – dedım. Ol: «Maǧan da senıŋ önerıŋ, dauysyŋ, muzykaŋ öte ūnaidy. Būl men üşın keremet kün boldy.

Men köptegen älemdık jūldyzdarmen, sonyŋ ışınde Djeki Chanmen, Andrea Bochellimen jäne basqalarmen kezdestım. Osyndai tamaşa mümkındıkter üşın äuelı Qūdaiǧa, sosyn «Virtuosos» jobasyna rahmet aitqym keledı. Osy taŋǧajaiyp baǧdarlamany oilap tauyp, jüzege asyryp jatqan  barlyq kısılerge Qūdai jar bolsyn», – dep Dimaş öz äserımen bölıstı.

Pıkırler