İrannyŋ barlau ministrı Esmail Hatib jeksenbı künı eldıŋ İzrailge qatysty strategiialyq, operasiialyq jäne ǧylymi sipattaǧy «qūndy qūjattar men mälımetter toptamasyn» qolǧa tüsırgenın mälımdedı. Onyŋ aituynşa, būl qūjattar jaqyn arada jariialanatyn bolady. Būl turaly ol İrannyŋ memlekettık aqparat agenttıgı IRIB-ke bergen sūhbatynda aitty, dep habarlaidy “Adyrna”.
Onyŋ aituynşa, atalǧan aqparattardy alu ministrlıktıŋ «barlau salasyndaǧy ülken jetıstıgı».
Hatibtıŋ aituynşa, būl qūjattar İzraildıŋ iadrolyq baǧdarlamasy, sondai-aq AQŞ-pen, Europamen jäne basqa eldermen qarym-qatynasyna qatysty maŋyzdy mälımetterdı qamtidy. Ol keibır barlau faildarynyŋ İrannyŋ şabuyldauşy äleuetın arttyra alatynyn
Qūjattardyŋ İranǧa qalai jetkızılgenı jönınde egjei-tegjeilı aqparat beruden bas tartyp, «ol ädısterdıŋ özı qūjattar sekıldı maŋyzdy ärı qūpiia saqtalady» dedı.
Ministrdıŋ aituynşa, būl derekterdı qolǧa tüsıru üşın «kürdelı, auqymdy, keşendı jäne ūzaq merzımdı» arnaiy operasiia jürgızılgen.
IRIB agenttıgı senbı künı jariialaǧan habarlamada būl mälımetterdıŋ qauıpsız jetkızıluın qamtamasyz etu maqsatynda belgılı bır uaqytqa deiın aqparat taratylmaǧany aitylǧan. Sondai-aq, alynǧan mälımetterdıŋ kölemı sonşalyqty köp bolǧandyqtan, olardy saraptauǧa bırneşe apta uaqyt ketkenı de atap ötılgen.
