Bügın Senattaǧy jūmys tobynyŋ otyrysynda «Qūqyq būzuşylyqtyŋ aldyn alu turaly» zaŋǧa engızıletın tüzetuler talqylandy, dep habarlaidy «Adyrna» tılşısı.
Endı elımızde bet-jüzdı jauyp tūratyn maska, balaklava nemese kiım elementterın kiiuge tyiym salu ūsynyluy mümkın.
«Būl şara qoǧamdyq oryndarda jasalatyn qūqyq būzuşylyqtardyŋ sanyn azaitu, bet-älpettı tanu qūraldarynyŋ tiımdılıgın arttyru, qylmystardyŋ aldyn aluǧa mümkındıgın küşeitetın bolady»,–dedı senator Nauryzbai Baiqadamov.
Aita keteiık, būl şekteu zaŋ talaptaryn oryndau maqsatynda, qyzmettık, medisinalyq maqsattarda, aua-raiyna bailanysty nemese sporttyq jäne mädeni ıs-şaralarǧa qatysu kezınde kietın adamdarǧa qoldanylmaidy.
