Senatta bet-jüzdı jauyp tūratyn kiımderge tyiym salu turaly zaŋnamaǧa tüzetuler engızu mäselesı talqylanyp jatyr. Būl bastamaǧa qatysty qoǧamdyq pıkır ärtürlı. Bırı bilıktı qoldasa, endı bırı qūqyǧynyŋ taptalatynyn alǧa tartuda. Filosofiia ǧylymdarynyŋ kandidaty, dıntanuşy Keŋşılık Tyşqanūly «Adyrna» tılşısıne bergen sūhbatynda mūndai qadamnyŋ dıni negızderge qaişy emes ekenın mälımdedı.
«Dınde adamnyŋ bet-jüzın jabu kerek degen talap joq. Būl köbıne dästürmen bailanysty bolady. Taiau Şyǧys qoǧamynda klimattyq erekşelıkterge bailanysty äiel adamdardyŋ qara kiım kiıp, bet-jüzın bürkemelep jüru dästürı bar. Onyŋ şyǧu tegıne bailanysty ärtürlı pıkır aitylady. Dese de, bızdıŋ qoǧam üşın bet-älpettı jauyp jüru – jat dünie. Mūsylman dınınıŋ hanafi baǧytynda da adamnyŋ bet-jüzı äuret jerge jatpaidy»,—dedı ol.
Dıntanuşy memleket dıni radikalizmge zaŋ jüzınde şekteu qoimasa, būl qauıpsızdık pen qoǧamdyq tärtıpke qauıp töndıruı mümkın ekenın atap öttı.
«Elımızde radikaldy toptarǧa kıruşı, elıkteuşı jandardyŋ qatary köbeiıp barady. Būl — alaŋdauşylyq tuǧyzatyn jaǧdai. Sondyqtan da memleket dınge, äsırese, radikaldy pozisiialarǧa zaŋ tūrǧysynan şekteu
Sondai-aq dıntanuşy Qazaqstannyŋ zaiyrly memleket ekenın eskere otyryp, dın ūstanuşylar zaŋǧa qūrmetpen qarap, memleketpen kelısımde jūmys ısteuı tiıs ekenın eske saldy.
«Memleket dın turaly ūstanymdary men saiasatyn belgılı bır zaŋnama negızınde bekıtken. Sol sebeptı dın ūstanuşylar oǧan tüsınıstıkpen qarauy tiıs. Bızdıŋ elımızde bilık jeke senım men qūlşylyq-ǧibadatqa, dıni senım bostandyǧyna aralaspaidy. Dese de, būl öz bılgenımızdı ısteuge rūqsat berılgen degen söz emes. Qazaqstan zaiyrly el bolǧandyqtan, bilık ärtürlı konfessiiaǧa bırdei talap qoiyp, baqylau ornatuǧa qūqyly. Būl mäselede konfessiia ökılderı memleketpen kelısımge kelıp, dıni senım bostandyǧyn jüzege asyruy qajet»,—dep tüiındedı ol.
Eske salaiyq, būǧan deiın Qazaqstanda bet-älpettı jauyp tūratyn kiımderge tyiym salynuy mümkın ekenın jazǧan edık.
Äŋgımelesken: Berdıbek Rauan Erlanūly
