Memleket basşysynyŋ äleumettık infraqūrylymdy qūru jönındegı tapsyrmasyn oryndau şeŋberınde Aqmola oblysynda ekı densaulyq saqtau mekemesı – Arşaly audany Arnasai auylynda därıgerlık ambulatoriia jäne Būlandy audany Altyndy auylynda feldşerlık-akuşerlık punkt aşyldy. Nysandar elge qaitarylǧan aktivter esebınen salynǧan. Osy maqsatqa arnauly memlekettık qordan 295 mln teŋge bölındı. Densaulyq saqtau mekemelerı Medisina qyzmetkerlerı künı qarsaŋynda aşyldy.
Arnasai auylyndaǧy därıgerlık ambulatoriia Eltoq, Qoigeldı, Babatai stansiiasy men 42-razezd syndy maŋaidaǧy eldı mekenderde tūratyn 2 myŋnan astam tūrǧynǧa qyzmet körsetedı. Jalpy audany 450 şarşy metrdı qūraityn jaŋa ǧimarat bır auysymda 45 keluşını qabyldauǧa qauqarly.
Būlandy audany Altyndy auylynda aşylǧan feldşerlık-akuşerlık punkt Altyndy, Boiarka, Alaköl, Jaŋatalap jäne Eltai auyldarynda tūratyn myŋǧa juyq adamǧa alǧaşqy medisinalyq kömek körsetetın bolady.
Atalǧan medisinalyq mekemeler zamanaui qūral-jabdyqtarmen tolyq jabdyqtalǧan. Atap aitqanda, EKG apparaty, defibrilliatorlar, fizioterapiia jäne oŋaltu qūrylǧylary ornatylǧan. Būl auyl tūrǧyndaryna sapaly bastapqy medisinalyq-sanitarlyq kömek körsetuge mümkındık beredı.
Aqmola oblysynyŋ äkımı Marat Ahmetjanov jaŋa medisinalyq nysandardy elımızdıŋ Bas prokurorynyŋ orynbasary Ǧalymjan Qoigeldiev pen QR Densaulyq saqtau vise-ministrı Timur Mūratovpen bırge baryp kördı.
Öŋır basşysy auyl tūrǧyndary üşın medisinalyq qyzmetterdıŋ qoljetımdılıgı men sapasyn arttyru jolynda būl nysandardyŋ maŋyzdylyǧyna toqtaldy.
«Mūndai nysandardyŋ qūrylysy – halqymyzdyŋ densaulyǧyna salynǧan investisiia. Memleket basşysynyŋ qoldauynyŋ arqasynda auyl tūrǧyndaryna aurudyŋ aldyn alu jäne emdelu üşın qolaily jaǧdai jasaluda. Būl – auyldyq eldı mekenderdegı ömır sapasyn jaqsartuǧa jäne medisinalyq kömektıŋ qoljetımdılıgın arttyruǧa baǧyttalǧan memlekettık saiasattyŋ naqty nätijesı», — dedı Marat Ahmetjanov.«Aqmola oblysynda jalpy sany 33 äleumettık joba ıske asyrylady. Onyŋ ışınde 10 joba – medisinalyq nysandar. Qaitarylǧan aktivterdıŋ maqsatty jūmsaluyn qadaǧalau – prokuratura organdarynyŋ negızgı mındetterınıŋ bırı. Är qaitarylǧan teŋge – Qazaqstannyŋ damuyna qyzmet etuı kerek», — dedı Bas prokurordyŋ orynbasary Ǧalymjan Qoigeldiev. Densaulyq saqtau vise-ministrı Timur Mūratovtyŋ aituynşa, auyldyq densaulyq saqtau jüiesın jaŋǧyrtu baǧdarlamasy aiasynda Aqmola oblysynda 38 nysan salynady. Onyŋ 28-ı bügınde ıske qosylǧan. Medisinalyq qyzmet sapasyna erekşe nazar audaryluda. Aita keteiık, Memleket basşysynyŋ tapsyrmasyn oryndau aiasynda Ükımet elge zaŋsyz şyǧarylǧan aktivterdı qaitaru arqyly äleumettık infraqūrylym jobalaryn jüzege asyruda. Qazırgı taŋda öŋırde taǧy 3 därıgerlık ambulatoriia, 4 feldşerlık-akuşerlık punkt pen 1 medisinalyq punkttıŋ qūrylysy jürgızılude.
