Qazaqstan türkı memleketterımen yntymaqtastyqty tereŋdetuge müddelı - Prezident

786
Adyrna.kz Telegram
https://adyrna.kz/content/uploads/2025/06/image-18.png
Memleket basşysy Qasym-Jomart Toqaev Türkı memleketterı Parlamenttık assambleiasyna müşe elder parlamentterınıŋ spikerlerımen kezdestı, dep habarlaidy "Adyrna" ūlttyq portaly. Prezident märtebelı meimandarǧa ıltipat bıldırıp, jiynnyŋ män-maŋyzyna toqtaldy. Prezident Toqaevtyŋ aituynşa, Türkı memleketterı arasyndaǧy yntymaqtastyq jyldan-jylǧa artyp keledı. Būl üderıs bükıl türkı jūrtynyŋ bedelı men yqpalyn küşeitıp otyrǧanyn aitty.
"Qazaqstan – Türkı memleketterı ūiymynyŋ negızın qalauşylardyŋ bırı. Būl qūrylym elderımızdıŋ ekonomikalyq jäne mädeni-gumanitarlyq damuyna yqpal etedı. Ötken jyly ūiymǧa töraǧalyq ete otyryp, bız ‘TURKTIME’ ūranymen jüzge juyq maŋyzdy ıs-şara ötkızdık. Türkı älıpbiınıŋ ortaq nūsqasyn bekıtu – tarihi oqiǧa", – dedı Qasym-Jomart Toqaev.
Memleket basşysy Astanada ötken V Düniejüzılık köşpendıler oiyndarynyŋ maŋyzyn atap ötıp, ūiym aiasyndaǧy qarym-qatynasty odan ärı nyǧaituǧa daiyn ekenın bıldırdı. Prezident kelesı basqosudy Türkıstanda ötkızudı ūsyndy. Sondai-aq Qasym-Jomart Toqaev elde jürgızılıp jatqan saiasi jäne ekonomikalyq reformalar turaly baiandady. Onyŋ aituynşa, Konstitusiialyq özgerıster, audan äkımderın tıkelei sailau jäne mäslihat jüiesındegı özgerıster – elımızdıŋ demokratiialyq damuynyŋ maŋyzdy qadamdary.
"Biyl elımızdıŋ JIÖ kölemı 290 milliard dollarǧa jetıp, jan basyna şaqqanda 14 myŋ dollardy qūrady. Būl oŋ körsetkışter, bıraq şeşıluı tiıs tüitkılder de bar", – dedı Memleket basşysy.
Prezident öz sözınde infraqūrylymdyq jobalar, sifrlandyru, jasandy intellekt, auyl şaruaşylyǧyn qoldau jäne kölık-logistika salalaryn damytu – ekonomikalyq ösımnıŋ negızgı baǧyty ekenın aitty. Sondai-aq türkı elderımen yntymaqtastyqty nyǧaitu osy mındetterdı ıske asyruda maŋyzdy röl atqaratynyn atap öttı. Kezdesu soŋynda Qasym-Jomart Toqaev türkı halyqtarynyŋ bauyrlastyǧy men bırlıgı ortaq maqsatqa bastaitynyn aityp, parlamenttık diplomatiianyŋ maŋyzyn erekşe atady.
"Qazaqstan türkı memleketterınıŋ parlamenttık diplomatiiasyn barynşa qoldaidy. Bız bärımız tatu bolsaq, ekonomikalarymyz damyp, bauyrlastyǧymyz mäŋgı bolady", – dedı Prezident.
Jiynǧa Türkı memleketterı Parlamenttık assambleiasyna müşe elderdıŋ parlament spikerlerı qatysty. Kezdesu "TURKTIME: parlamenttık diplomatiianyŋ rölı" taqyrybynda öttı.
Pıkırler