BQO-da sapany sarapqa salǧan baiqau öttı

659
Adyrna.kz Telegram
https://adyrna.kz/content/uploads/2025/06/47d89133-d273-4346-b5fb-6503a5dfe306.jpeg

Bügın Oralda «Qazaqstannyŋ üzdık tauary» öŋırlık konkurs-körmesı öttı. Is-şara otandyq öndırıstı damytudy yntalandyruǧa, qazaqstandyq tauarlardyŋ bäsekege qabılettılıgın arttyruǧa jäne jergılıktı käsıpkerlerdı qoldauǧa baǧyttaldy.

– Oblysta sapa baiqaularyn ūiymdastyru jyl saiynǧy igı dästürge ainaldy. Būl jergılıktı tauar öndıruşılerdıŋ äleuetın arttyryp, sapaly ärı sūranysqa ie önım öndıruge yntalandyrady. Sonymen qatar tūtynuşylardyŋ senımı men sūranysyn qamtamasyz etuge jol aşady. Bügın ūiymdastyrylǧan ıs-şara sapa mädenietın artyrudy közdedı. Būl jai ǧana talap emes. Būl – jarqyn da tabysty bolaşaqtyŋ kepılı, – dedı konkurstyŋ saltanatty aşylu räsımıne qatysqan oblys äkımı apparatynyŋ basşysy Nūrdıldä Oraz. Apparat basşysy körmege qatysqan barşa biznes ökılıne tolaǧai tabys tıledı. Aimaqtyŋ, tūtas el ekonomikasynyŋ damuyna üles qosyp jürgenderı üşın olarǧa alǧysyn bıldırdı.

QR Prezidentınıŋ 2006 jylǧy 9 qazandaǧy №194 Jarlyǧyna säikes, «Qazaqstannyŋ üzdık tauary» respublikalyq konkurs-körmesı jyl saiyn bolady. Būl konkurstyŋ bırınşı kezeŋı öŋırlık deŋgeide ötkızıledı. Biyl üzdıkterdı anyqtaityn baiqaudyŋ oblystyq kezeŋıne 44 tauar öndıruşı ötınım bergen. Olardyŋ arasynan üş jeŋımpaz üş atalym boiynşa anyqtaldy. «Azyq-tülık tauarlaryn nemese auyl şaruaşylyǧy önımın şyǧaratyn üzdık käsıporyn» atalymyna «Firma Rodnik» JŞS, «Taleskii O.V.» JK jäne«Qaz-aqbas» JŞS ie boldy. Al «Öndırıstık maqsattaǧy üzdık tauarlar» atalymyna «VodEkoFiltr» JŞS, «Steklo-Servis» JŞSjäne «Oral sauda-önerkäsıp kompaniiasy» JŞS laiyq dep tanyldy. «Halyqqa arnalǧan üzdık tauarlar» atalymymen «Kondensat» AQ, «Zhulduz» JK «Mariia hanym sän üiı» jäne «Nūrtana» JŞS marapattaldy. Endı būl käsıpkerler respublikalyq baiqauda baq synaidy.

Is-şarany oblystyq käsıpkerlık jäne industriialdyq-innovasiialyq damu basqarmasy men BQO käsıpkerler palatasy bırlesıp ūiymdastyrdy. Basqarma basşysy  Nūrjan Ötepbaev pen käsıpkerler palatasynyŋ direktory Maqsat Qūlanbaev baiqauǧa qatysuşylardyŋ bärıne alǧyshattar men yntalandyru syilyqtaryntabystady.

Iаsipa RABAEVA,

«Oral öŋırı»

Pıkırler