«Ǧasyrlarǧa jalǧasqan erlık» forumy Äliia Moldaǧūlovanyŋ 100 jyldyǧyna arnaldy

748
Adyrna.kz Telegram
https://adyrna.kz/content/uploads/2025/06/f70c9c1c-46a9-44bd-afa7-7b8ae60e9008.jpeg

Aqtöbedegı «Öner ortalyǧynda» ötken forumǧa qatysu üşın Reseiden jäne Qazaqstannyŋ ärtürlı öŋırlerınen delegasiialar keldı. Būl şara mereitoilyq jyldyŋ eŋ maŋyzdy oqiǧalarynyŋ bırı retınde atap ötıldı.

Forumnyŋ maqsaty — batyrlyqtyŋ, Otanǧa degen süiıspenşılık pen patriotizmnıŋ simvolyna ainalǧan mergen qyzdyŋ ruhyna taǧzym etu. Şaraǧa memlekettık jäne qoǧam qairatkerlerı, Qazaqstan Respublikasy Parlamentınıŋ Senaty men Mäjılısınıŋ deputattary, mädeniet jäne ǧylym salasynyŋ ökılderı, sondai-aq batyrdyŋ tuystary qatysty.

Qazaqstan Respublikasy Prezidentınıŋ keŋesşısı Mälık Otarbaev Memleket basşysy atynan forumǧa qatysuşylar men aqtöbelıkterdı osy maŋyzdy tarihi oqiǧamen qūttyqtady.

«Äliia Moldaǧūlova – bükıl qazaq halqynyŋ maqtanyşy, qaisar ruh pen janqiiarlyqtyŋ simvoly. Bügıngı forum – tarihi jadymyzdy saqtau men jas ūrpaqty patriottyq ruhta tärbieleu jolyndaǧy ortaq jauapkerşılıgımızdıŋ körınısı. Forumdy ūiymdastyrǧan barşa azamattarǧa, Äliia Moldaǧūlovanyŋ erlıgın ūrpaq jadynda mäŋgı qaldyruǧa atsalysyp jürgen jandarǧa şynaiy alǧysymdy bıldıremın. Sızder jastardy Otanǧa degen süiıspenşılıkke, ūlttyq qūndylyqtarǧa adaldyqqa baulyp kelesızder», – dedı Prezident keŋesşısı.

Şaraǧa qatysuşylardy Aqtöbe oblysynyŋ äkımı Ashat Şaharov ta qūttyqtap, batyr esımın ūlyqtau baǧytynda öŋırde jüzege asyp jatqan jūmystar turaly aityp öttı. Atap aitqanda, Aqtöbe qalasynda jaŋa mädeniet ortalyǧy men memorialdyq muzei salynyp jatyr, sondai-aq Äliia auylynda infraqūrylym damyp keledı.

Ashat Şaharov öz sözınde pedagog ärı qoǧam qairatkerı, Äliianyŋ erlıgın zertteuge jäne jastarǧa ruhani-adamgerşılık tärbie beruge ömırın arnaǧan Ǧalymjan Baiderbestıŋ eŋbegın erekşe atap öttı.

Forum barysynda Äliia Moldaǧūlovanyŋ erlıgıne, tarihi

jadyny saqtau jolyndaǧy zertteuşıler men qoǧam belsendılerınıŋ ülesıne, sondai-aq muzeilık jäne mädeni jobalardyŋ patriottyq tärbiedegı rölıne arnalǧan mazmūndy baiandamalar tyŋdaldy. Söz alǧandar qatarynda – ǧylym ökılderı, muzei qyzmetkerlerı, batyrdyŋ tuystary men arnaiy şaqyrylǧan qonaqtar boldy.

Iаroslavl oblysyndaǧy «Viatich» patriottyq ortalyǧynyŋ jetekşısı Liubov Abramova Viatskoe auylynda batyr qyzdyŋ ruhyna degen qūrmet erekşe ekenın aityp öttı. 1942 jyly Äliia Moldaǧūlova Leningrad qorşauynan evakuasiialanǧan balalarmen bırge Viatskoe auylyna jetkızılgen edı.

«Bız Iаroslavl oblysy Viatskoe auylynan keldık. Öŋırlerımızdı ekı myŋ şaqyrymdai qaşyqtyq bölgenımen, Äliia Moldaǧūlovanyŋ esımı bızdı berık bailanystyryp tūr. Iаroslavl jerınde onyŋ esımı zor qūrmetpen atalady: Batyrlyq memorialynda esımı qaşalyp jazylǧan, auyl mektebınde qūjattar men fotosuretter qoiylǧan arnaiy muzei aşylǧan. 1942 jyly Äliia bızdıŋ mektebımızde 7-synypta oqydy, sondyqtan bız ony zor maqtanyşpen özımızdıŋ tülek dep ataimyz. Viatskoe auylyna kelgen ärbır turist Äliianyŋ erlıgı jaily bıledı. Onyŋ beinesı auylymyzdyŋ mädeni-tarihi ömırınıŋ ajyramas bölşegıne ainaldy», – dedı Liubov Abramova.

Şara soŋynda halyq mahabbaty men alǧysyna bölengen, 50 jyldyq tarihy bar «Äliia» änı şyrqaldy. Ändı sahnada änşı Merei Samūrat tebırene oryndap, körermenderdıŋ zor qoşemetın ielendı.

 

Forumǧa deiın Äliianyŋ memorialdyq keşenınde mädeni-tanymdyq şara öttı. Mereitoiǧa arnaiylap kelgen meimandar men aqtöbelıkter  aty aŋyzǧa ainalǧan mergen qyzdyŋ jarqyn beinesın bır minut ünsızdıkpen eske alyp, gül şoqtaryn qoidy. 



Pıkırler