Qazırgı kezde barlyq elder men memleketter jahandanu üderısınde ömır süruge daǧdylanuda. Dälırek aitqanda, jahandanu kezınde Batys mädenietı qūndylyqtary beleŋ alyp, künnen künge üdei tüsude.
Mūndai üderıs halyqtyŋ baiyrǧy ūlttyq qūndylyqtarynyŋ bır jola qūldyrap qūrdymǧa ketuıne türtkı bolady degen sekem bary anyq. Ärine, batystyŋ bılım-ǧylym, tehnologiiasy kerek-aq, degenmen būl bızge äser etpei qoimaidy. Bolaşaq jastar qoǧamymyzdyŋ eŋ belsendı de älsız tūsy, iaǧni özegı bolyp tabylady.
Ataqty ūltşyl Gitler: "ūltty joiu üşın küş jūmsau qajet emes, tek sol eldıŋ jastaryna azǧyndy muzyka tyŋdatu qajet", - degen eken. Elıkteu äsırese būqaralyq aqparat qūraldary men ǧalamtordyŋ äserınen tez beleŋ aluda. Bügıngınıŋ jastary - zamanaui, praktik. Endı ösıp kele jatqan jasöspırım ǧalamtordan kerektı de kereksız aqparattardy kezıktıredı de, onymen tanysyp, tez iemdenedı.
Öz basym batysqa elıkteuden būryn, elıkteu" degen sözdıŋ özın ūnatpaimyn. Olai deitınım, jaqsy iaki jaman tūrǧydan bolsyn tūlǧa tūlǧaǧa elıkteu barysynda ol özın ūmytady. Keiınnen qoǧamda anaǧan-mynaǧan elıktep jürıp öz ornyn taba almai qalady. Är närsenıŋ ekı ūşy bolady, sol sekıldı şama-şarqy da bolady.
Keide oilaitynmyn, bala künımızde ata-anamyz qylt etse boldy “jūrttyŋ balasy, eldıŋ balasy” deitūǧyn. Sodan ba eken, köbısı basqaǧa elıktep özınıŋ maŋyzdylyǧyn ūmytyp ta jatady. Ärine, būl öz oiym. Abai atamyz "jaqsydan üiren, jamannan jiren”dep aitpaqşy, üirenudı bılmesek te jirenudı bıleiık, aǧaiyn.
Aqyl Ǧalymzat,
Almaty qalasy
