«DeFacto FM» internet-radiosy aqparat alaŋyn tolyqtyrdy

Almaty oblysynda alǧaş ret 2020 jyly inkliuzivtı baǧyttaǧy internet-radio jūmysyn bastaǧan edı. Jobanyŋ  negızın qalauşylar «Meiırım» qoǧamdyq bırlestıgı. Jetısu öŋırınde 67 myŋ kem baǧaly adam tūrady. Olardy tūraqty jūmyspen qamtu, belsendı qoǧam ömırıne tartu ısı özektılıgın joiǧan emes. Osy oraida, Almaty oblysynda maŋyzdy bastama jolǧa qoiylǧan. Endıgı de öŋırdegı mümkındıgı şekteulı azamattar BAQ salasynda baǧyn synamaq. Oblystyq «Meiırım» qoǧamdyq bırlestıgınıŋ mūryndyq boluymen «DeFacto FM» internet-radiosy öz jūmysyn bastaǧan bolatyn. Bügıngı künı mūnda 4 kembaǧaly azamat pen 4 student eŋbek etude. Olardyŋ mamandyqtary är türlı bolǧanymen şyǧarmaşylyqqa degen qyzyǧuşylyqtary radionyŋ maŋyna toptastyrǧan. Solardyŋ bırı Ernat Qasmūhanov. Ol 2-şı toptaǧy mügedek. Taǧdyry syn tezıne salsa da eş moiymaǧan jan. Negızgı käsıbı jattyqtyruşy, özı de sport salasynda jetıstıkterge qol jetkızgen azamat, QR sport şeberı. Balalardy jattyqtyryp qana qoimai, BAQ salasyna bet būryp jürgen jaiy bar. «DeFacto FM» internet-radiosynda jurnalist retınde şyŋdalyp, sūhbatqa negızdelgen baǧdarlamalardy äzırleidı. «DeFacto FM» radiosy būl erekşe qamqorlyqty qajet etetın jandardyŋ şyǧarmaşylyq jaǧynan jūldyzyn jaǧatyn orta. Mūnda olar damu men jetıluge mümkındık alady. Sonymen qatar jūmysqa ornalasyp, özderınıŋ qūqyqtaryn zaŋdy türde qorǧai alatyn därejege jetedı. Sebebı, būl aqparattyq alaŋ. Mūnda jürıp özderıne kerektı maŋyzdy mälımettermen tanysa alady»,-deidı «DeFacto FM» inkliuzivtı internet-radiosynyŋ interviuerı Ernat Töleuǧazyūly. Joba jetekşılerınıŋ aldyǧa qoiǧan maqsatty mügedekterdı eŋbekke tartu, aimaqtaǧy jäne basqa da oblystardyŋ  mümkındıkterı şekteulı adamdarynyŋ ädebi jäne muzykalyq şyǧarmaşylyǧyn damytu bolyp tabylady. Bügıngı taŋda radiodaǧy maman sanyn arttyru,  qajettı qūral-jabdyqtarmen qamtamasyz etu ısı jolǧa qoiylǧan. «Bız arnaiy grant ūtyp aldyq. Onda 1 mln. teŋge qarjylai kömekke ie boldyq. Sonyŋ arqasynda internet-radio aştyq. Bızge jūmysqa tūruǧa 20 şaqty adam keldı, olardyŋ ışınen tek 8-ı ǧana ştatqa qabyldandy. Bızdıŋ jūmysta käsıbilıkten būryn adamgerşılık bırınşı orynda. Öitkenı, mümkındıgı şekteulı jandarmen jūmys jasau oŋai emes»,-deidı «Meiırım» mügedekter qoǧamdyq bırlestıgınıŋ basşysy Gülvira Nūrhanqyzy. Bırlestıktıŋ qolǧa alǧan ısı mūnymen tolastar emes. Aldaǧy taŋda qoǧamnyŋ erekşe müşelerı eŋbek etetın sūlulyq salony alyşmaq. Osylaişa öŋırdegı şeksız mümkındıkke ie azamattar üşın damudyŋ dara joly aşylmaq.