Zeinet jasyna jaqyndaǧandarǧa jūmys tauyp beru jobasy ıske qosylmaq

Eŋbek jäne halyqty äleumettık qorǧau ministrlıgı zeinet jasyna jaqyndaǧan qyzmetkerlerdı qoldau boiynşa jaŋa jobany qolǧa alyp jatyr. Ol boiynşa memleket egde jastaǧy jūmysşylardyŋ eŋbekaqysyn subsidiialaidy. Būl turaly brifingte vise-ministr Erjan Bırjanov mälımdedı, dep habarlaidy “Adyrna” ūlttyq portaly Sputnik Qazaqstanǧa sılteme jasap.  Ol zeinetke älı şyqpaǧan egde jastaǧy adamdardyŋ jūmys tabuy qiyn ekenın atap öttı. Osyǧan bailanysty vedomstvo "Kümıs jas" atty jaŋa jobany ıske asyrudy josparlap otyr. "Ol boiynşa bız ekı jyl boiy, zeinetke deiın jūmys beruşıge eŋbekaqynyŋ belgılı bır kölemın öteimız. Qazır būl mäsele pysyqtalyp jatyr, ūsynys qoldau tapty. Bızde naqty sifrlar, boljam bar. Endı osy mäselelerdı şeşu kerek", – dedı Bırjanov. Aituynşa, 40-45 jastaǧy adamdardy jūmysqa ornalastyru boiynşa eşqandai problema joq. Būl sanat eŋbek naryǧynda öte belsendı sanalady. Vise-ministr oqudy endı bıtırgen jastar da köpke deiın jūmys taba almai qinalatynyn aitty. Ministrlık jastar üşın "Jastar praktikasy" jäne "Alǧaşqy jūmys orny" atty jobalardy äzırledı. Eŋbek ministrlıgınıŋ mälımetınşe, qazır elımızde jūmyssyzdyq deŋgeiı 4,9 prosenttı qūraidy. Iаǧni, 449 myŋ adam jūmyssyz retınde tırkeude tūr.