«Aşyq NQA» portalynda «Qazaqstan Respublikasy azamattarynyŋ boryş jüktemesın azaituǧa bölıngen qarajatty paidalanudyŋ keibır mäselelerı turaly» Ükımettıŋ 2019 jylǧy 15 şıldedegı № 520 qaulysyna özgerıster engızuge arnalǧan qūjattyŋ jobasy jariialanyp, 2019 jyly jürgızılgen nesielık raqymşylyqty ūzartu ūsynyldy.
Sebebı äleumettık jaǧynan osal toptardyŋ ışınde 300 myŋ teŋgenı keşıru şarasyn paidalanyp ülgermegen azamattar bar. Būl turaly Azattyq ruhy jazdy.
«Qoldanystaǧy qaulyda közdelgen merzımder aiaqtalǧannan keiın memlekettık organdardyŋ aqparattyq jüielerınde derekterdıŋ bolmauyna bailanysty bereşegı ötelmei qalǧan adamdar anyqtaldy», - delıngen qūjat jobasynda.Qūjat jobasynda körsetılgendei: 2019 jylǧy 1 mausymdaǧy jaǧdai boiynşa bır qaryz aluşyǧa 300000 (üş jüz myŋ) teŋgeden aspaityn mölşerde negızgı boryş jäne syiaqy boiynşa bereşektı öteu jüzege asyrylatyn boryşkerlerdı jäne olardyŋ qaryzdaryn jäne (nemese) mikrokreditterın aiqyndaidy jäne mynadai basymdyqtardy eskere otyryp, aqy töleuge arnalǧan tızımdı qalyptastyrady: bırınşı kezekte JSTM mölşerı eŋ köp qaryzdar jäne (nemese) mikrokreditter boiynşa bereşek öteledı; ekınşı kezekte 2019 jylǧy 1 mausymdaǧy jaǧdai boiynşa negızgı boryş jäne syiaqy boiynşa eŋ köp bereşegı bar qaryzdar jäne (nemese) mikrokreditter boiynşa bereşek öteledı; üşınşı kezekte qaryz jäne (nemese) mikrokredit şartyn jasau merzımı anaǧūrlym erte qaryzdar jäne (nemese) mikrokreditter boiynşa bereşek öteledı; Qūjattyŋ jobasy 14 mausymǧa deiın talqylauǧa şyǧarylyp otyr.
Ūqsas jaŋalyqtar
