Iýra Şatunovtyŋ qamqorşy QAZAQ anasy BÄTİMA
HH ǧasyrdyŋ 80-jyldaryndaǧy SSSR-degı eŋ tanymal top «Laskovyi mai» ekenın bärı de bıledı, top änşısı Iýra Şatunovtyŋ önerıne milliondaǧan tabynuşylary bolǧandyqtan, küşeitılgen küzetpen ǧana jüretın jaǧdaiǧa jettı, būl top turaly «Laskovyi mai» degen serial da şyqty, sonda 13-16 jastaǧy qyzdar Iýrany qolǧa tüsırse tyrnaqtarymen-aq bölşektep alyp ketetın jaǧdaiǧa jetkenın köruge bolady.
Al, jetım qalǧan Iýrany qamqorlyǧyna alyp qatarǧa qosqan qazaq äielı – Bätima Bolsynqyzy Tazakenova ekenın aitpai, Valentina Nikolaevna Tazikinova dep jasyryp keldı.
Orystar talantty änşını taǧdyr tälkegınen aman alyp qalǧany üşın osy qazaq äielıne qaryzdar.
Bätima Bolsynqyzy Tazakenova 1946 jyly 25 nauryzdy Chkalov oblysyndaǧy Chebenki eldı mekenınde düniege keldı. 1969-1972 jyldary Orynbor pedagogikalyq institutynda oqydy. «RF-na eŋbegı sıŋırgen mūǧalımı», pedagogika ǧylymynyŋ kandidity, «Otan aldynda eŋbegı sıŋgenı üşın» medalın V.V.Putinnıŋ qolynan alǧan.👍 2015 jyly 7 qaŋtarda Orynbor qalasynda qaitys boldy.
Reseidıŋ estrada jūldyzy Iýrii Şatunovqa qalai qamqorşy ana bolyp jür?
Iýrii Şatunov 1973 jyldyŋ 6 qyrküiegınde Başqūrt ASSR-nıŋ Kemırtau qalasynda düniege keldı. Äkesı Vasilii Klimenko (1950-2020), anasy Vera Şatunova (1955-1984). Äkesı balasynan bas tartqannan soŋ, anasy özınıŋ familiiasyna jazdyryp aldy. 1975 jyly ekeuı ajyrasyp ketkesın, Iýra naǧaşy ata-äjesınıŋ qolynda ösedı. 1977 jyly atasy qaitys bolǧasyn Vera balasyn qolyna alǧanmen, ekınşı küieuı maskünem bolǧandyqtan, mektepke baratyn jyly Kemırtaudaǧy mektep internatqa tapsyrady. 1984 jyly 7 qaraşada anasy Vera araqtan ulanyp ölgen soŋ, artynan keletın eşkımı bolmaǧasyn Iýra internattan qaşyp ketıp qaŋǧybastyq ömır keşıp, Başqūrtstan men Orynbor oblysynda kämıletke tolmaǧandar ısı jönındegı inspeksiiaǧa ūstatpai jüredı, ūstap hattama toltyryp internatqa tapsyrǧanmen odan da qaita qaşyp ketıp jürdı. Orynbor oblysyndaǧy Aqbūlaq poselkesındegı mektep internatta direktory Bätima Bolsynqyzy, inspeksiia qyzmetkerlerı ūstaǧan 11 jastaǧy qaŋǧybas Iýra Şatunovtyŋ ısı turaly şaqyrǧanda, kök közdı süikımdı orystyŋ balasyn aiap, özınıŋ qamqorlyǧyna alady. Alaida, köp ūzamai Bätima oblys ortalyǧy Orynbor qalasyndaǧy № 2-şı internat direktorlyǧyna qyzmetı ösıp, ketıp qalǧanda, Iýra qaitadan qaşyp ketıp qaŋǧybastyqqa salynady. Mūny estıgen Bätima Bolsynqyzy Iýra tabylǧan kezde, öz internatyna audaryp alady. Orynbordaǧy osy internattaǧy körkemönerpazdar üiırmesıne qatystyrady. Osy üiırme jetekşısı talantty muzykant Sergei Kuznesov Iýranyŋ dauys erekşelıgın baiqap, top qūrdy, qūramynda V.Ponomarev jäne S.Serıkov boldy. Jetım balalardan qūrylǧan būl toptyŋ «Leto», «Belye rozy», «Sedaia noch» «Pust budet noch» t.b. änderımen tanylyp şaqyrtular ala bastaidy. Özderınıŋ osy änderı sūranysqa ie ekenıŋ bılıp, qazırgı tılmen aitqanda «hit» änderın magnitofon kassetasyna jazyp, Orynbor vokzalyndaǧy jolauşylarǧa sata bastaidy. Osyndai kassetadaǧy änderın poezd üstınde estıgen, «Miraj» tobynyŋ menedjerı Andrei Razin joldan tüsıp qalyp qaitadan basqa poezǧa otyryp Orynborǧa kelıp, talantty jas jetım muzykanttardy Moskvaǧa alyp ketıp, prodiusserı retınde «Laskovyi mai» tobyn qūryp, eŋ bai adamdardyŋ qataryna qosylady.
1991 jyldyŋ 25 jeltoqsanynda Alla Pugachevanyŋ «Rojdestvenskie vstechi» keşınde jeke än aitqasyn, 1992 jyldyŋ qaŋtarynan bastap jeke änşı bolyp keledı.
2013 jyly özınıŋ qazaq anasy Bätima Tazakenova basqaratyn Orynbor balalar üiıne tekseru jürıp, soŋy qylmystyq ıs qozǧalǧanda, Iýra Şatunov anasyna araşa tüstı, 30 jyl bolǧan direktorlyq qyzmetınen ketken soŋ, ekı jyldan soŋ jürekke tüsken keselden qaitys bolǧanda, Iýra Şatunov özınıŋ paraqşasyna mynadai köŋıl aitu jazyp joldady: «Valentina Nikolaevnanyŋ orny men üşın erekşe. Ol maǧan analyq jylu men mahabbatty syilady. Aramyzda endı joq ekenın sezgende, köŋılım qūlazyp kettı. Onyŋ öte qamqor jäne qaiyrymdy bolǧanyŋ jalǧyz men ǧana emes bärımız de bıletınbız. Beinesı esımızde saqtalyp jäne bızge jetıspeitın bolady».
Baqytjan ABDUL-TÜMENBAEV,
tarihşy, jurnalist-daidjest.
Ūqsas jaŋalyqtar
