Qyzylorda oblysynyŋ Aral audanynda qatty ystyq pen jauyn-şaşyn mölşerınıŋ az boluyna bailanysty quaŋşylyq jaǧdai oryn aldy. Öŋırde tötenşe jaǧdai rejimın jariialau josparlanyp otyr, dep jazady sputnik.kz.
Eske salsaq resmi mälımetter boiynşa, qazırdıŋ özınde 500-den astam mal qyryldy.
"Qyzylorda oblysynyŋ äkımı Gülşara Äbdıhalyqovanyŋ tapsyrmasyna säikes, qazırgı taŋda Aral audanynda tötenşe jaǧdai jariialauǧa bailanysty qūjattar daiyndalyp jatyr. Osy rejimnıŋ engızıluın negızdeu üşın qajet keibır zertteulerdı aiaqtau ǧana qalady", - dedı Aral audany äkımınıŋ orynbasary Erkın Äbışev.Äbışevtıŋ aituynşa, Aral audanynyŋ keibır eldı mekenderı qūrǧaqşylyqtan zardap şekken.
"Mamandar şöptıŋ biylǧy şyǧymdylyǧyna qatysty audandy şartty türde üş sanatqa böldı. Iаǧni, qyzyl, jasyl, sary. Qyzyl aimaqqa 13 eldı meken endı. Öitkenı, jaiylymdyq jerlerı 90 prosentke qūrǧap ketken. Al sary aimaqtaǧy eldı mekenderde 30-40 prosenttı qūraityn şöp bar. Jasyl tüspen belgılengen eldı mekenderde şöptıŋ şyǧymdylyǧy jaqsy", - dedı Erkın Äbışev.Gülşara Äbdıqalyqovanyŋ tıkelei nūsqauy boiynşa mal azyǧy audan şaruaşylyqtaryna jetkızılıp jatyr.
"Öŋırge 51880 joŋyşqa jäne 2000 qap jem jetkızıldı", - dep tüsındırdı Aral audany äkımınıŋ orynbasary.Sonymen qatar Aral audanynda 5 mausym künı jem-şöp järmeŋkesı ūiymdastyryldy. 20 tonna kürış jemı men 207 tonna joŋyşqa qoiyldy. Oblysqa basqa öŋırlerden bidai men arpa jetkızuge ötınım berıldı. Qazır Aral audanynda eskı 15 su qūdyǧy tazartyluda. Olardy qalpyna keltıru jaiylymdardaǧy jaǧdaidy jaqsartuǧa kömektesedı.
Ūqsas jaŋalyqtar
