Aqmola oblysynda Resei azamaty äielı men balasyn öltırıp, jasyrynyp qalǧan, dep habarlaidy “Adyrna” ūlttyq portaly "Astana" arnasyna sılteme jasap.
Roksana Haldeevanyŋ aituynşa, ötken jyldyŋ qazan aiynda ögei äkesı men anasy Atbasarǧa balalaryn körıp kelu üşın attanǧan. Alaida bır täulıkten keiın er adam qaita oralyp, anasynyŋ balamen taǧy bıraz bolatynyn aitqan. Däl sol künı keşke polisiia qyzmetkerlerı Roksanaǧa anasy Elena Holdeevanyŋ qaza tapqanyn habarlaǧan. Qyz anasynyŋ ölımıne ögei äkesı kınälı dep sanaidy.
"Bala aşulanyp, eşqaida barǧysy kelmei jylaǧan eken. Anam Atbasarda sıŋılımdı köndıru üşın qalypty. Äkesı Reseige ıssaparǧa baratynyn aityp, qaita keldı de, bırneşe kürteşesın alyp kettı. Sol künı tüngı 23:00 şamasynda Atbasar audandyq ışkı ıster bölımı qyzmetkerlerı anamnyŋ qaitys bolǧanyn aitty", - deidı Roksana Holdeeva.
Roksana sıŋılısınıŋ būdan ekı jyl būryn qaza tapqanyn polisiia qyzmetkerlerınen estıgen. Balanyŋ mäiıtın 2018 jyly Atbasarda kärız liugınen tapqan. Roksana sıŋılısı men anasyn ögei äkesı öltırgenıne senımdı ekenın aitady.
"Saraptama nätijesı balanyŋ menıŋ sıŋılım ekenın körsettı. Elena Haldeeva – 2018 jyly qaitys bolǧan balanyŋ anasy. Bıraq būl turaly eşkım bılmegen. Keiın ekı qylmystyq ıstı bırıktırıp, Ruslanǧa halyqaralyq ızdeu jariialandy", - dep qosty Roksana.
Küdıktı Ruslan Nazmiev 7 qazanda Reseidıŋ Qazan qalasynda tūtqyndalǧan. Bıraq Aqmola oblysy polisiia qyzmetkerlerı halyqaralyq kelısım boiynşa Resei azamatyn Qazaqstanǧa ekstradisiia jasauǧa bolmaitynyn aitady.
"Qylmystyq ıstıŋ materialdary Resei Federasiiasynyŋ qūzırettı organdaryna jıberılıp, qylmystyq ıstı jalǧastyru sūraǧyn şeşu üşın Qazaqstan Respublikasy Bas Prokuroryna jıberu josparlanyp otyr", - dedı Aqmola oblysy Polisiia departamentı baspasöz qyzmetınıŋ basşysy Gülnar Pinchuk.
Elena Haldeevanyŋ qaza tapqanyna 1 jyl bolǧan. Marqūmnyŋ qyzynyŋ aituynşa, qūqyq qorǧau organdarynyŋ baiaulyǧy kesırınen küdıktı Reseide bostandyqqa şyǧyp ketuı mümkın.
