Qazaqstanda emdelu baǧasy taǧy da qymbattady, dep habarlaidy “Adyrna” ūlttyq portaly.
Zertteu nätijelerıne süiensek, 2021 jyldyŋ qazan aiynyŋ soŋynda medisinalyq qyzmetter baǧasy ailyq dinamika boiynşa 0,3%-ǧa, jyldyq dinamika boiynşa 10,1%-ǧa östı.
Jyl saiynǧy baǧanyŋ ösuı Almaty (20%-ǧa), Türkıstan (18,1%) jäne Pavlodar (15,6%) oblystarynyŋ tūrǧyndaryna qatty äser etedı,dep habarlady Energyprom.kz sarapşylary.
Emdelu baǧasynyŋ eŋ az ösımı Aqtöbe oblysynda (jylyna 0,8%-ǧa) tırkeldı.
2021 jyldyŋ bırınşı jartyjyldyǧynda auruhana qyzmetterı 618,7 mlrd teŋgege jettı. Būl ötken jylmen salystyrǧanda 60,3%-ǧa artyq.
2020 jyldyŋ qaŋtar-mausym ailarynda qyzmet körsetu kölemı jylyna 12,9%-dy alyp, 385,9 mlrd teŋgenı qūraǧan bolatyn.
Qyzmetterdıŋ basym bölıgı biudjet qarajaty esebınen körsetıldı: 547,8 mlrd teŋge, + 56,7%. Halyq esebınen qyzmet körsetu 66,7%-ǧa, iaǧni 38,7 mlrd teŋgege, käsıporyndar esebınen 2,4 esege, 32,2 mlrd teŋgege östı.
Öŋırlık tūrǧydan alyp qarasaq, sektordaǧy qyzmet körsetudıŋ eŋ ülken kölemı Almaty qalasynda: 99,4 mlrd teŋge – bır jyl būrynǧy esepten 67,2%-ǧa artyq.
Üzdık üştıkke: Nūr-Sūltan (79 mlrd teŋge, +79,2%) Türkıstan oblysy (56,3 mlrd teŋge, + 74,9%) kırdı.
Eŋ az qyzmet körsetu ösımı Atyrau oblysynda tırkeldı: bar bolǧany 11,7 mlrd teŋge – bır jyl būrynǧydan 33,4%-ǧa artyq.
Aita ketetın jait, jyl basynan berı auruhanalardyŋ hirurgiialyq bölımşelerınıŋ qyzmetı 107,2 mlrd teŋgege jetıp, bır jyl būrynǧy körsetkışten 33,9%-ǧa artyq.
“Adyrna” ūlttyq portaly
