Qazaqstandyqtar Telegram messendjerınde COVID-19-ǧa qarsy vaksina alǧan sarbazdardyŋ jappai qaitys bolǧany aitylatyn video taratyp jatyr. Jelıdegı videoda rasymen de äskeri qyzmetkerler men olarǧa kömek körsetılıp jatqan sät tüsırılgen, dep habarlaidy “Adyrna” ūlttyq portaly. Stopfake aqparat közı ras ötırıgın anyqtap berdı.
Būl video 2021 jyldyŋ tamyzynda aǧylşyn tıldı ortada köp taraǧan. Oǧan sipattama retınde videodaǧy äskerilerdıŋ COVID-19 infeksiiasyna qarsy vaksina alǧany, olardyŋ kenetten qaitys boluyna da vaksina sebep bolǧany jazylǧan.
Al şyndyǧynda būl video biyl 21 tamyzda Ündıstanda tözımdılık jarysy kezınde tüsırılgen. Qatty ystyq pen auanyŋ ylǧaldyǧyna bailanysty 34 sarbaz esınen tanyp qalǧan. Jarystyŋ 72 saǧatqa sozylǧany belgılı jäne sarbazdar esınen tanbas būryn 10 şaqyrymdy tolyq jabdyq pen qaru-jaraqty köterıp jürıp ötken.
Zardap şekken sarbazdyŋ barlyǧy auruhanaǧa ystyq ötken degen diagnozben jetkızıldı. Işınde bır sarbaz qaitys boldy, bıraq oǧan COVID-19 infeksiiasyna qarsy vaksinanyŋ eş qatysy joq.
“Adyrna” ūlttyq portaly
Ūqsas jaŋalyqtar
