Almaty qalasynyŋ tūrǧyndary Baqytjan Saǧyntaevtyŋ otstavkasyn talap etıp, petisiiaǧa qol qoiyp jatyr, dep habarlaidy "Adyrna" ūlttyq portaly "Stan.kz"-ke sılteme jasap.
Almaty äkımı Baqytjan Saǧyntaevtyŋ otstavkaǧa ketuın talap etken petisiia bırneşe saǧat ışınde 7 myŋnan astam qol jinady. Ol Qazaqstan prezidentı Qasym-Jomart Toqaevqa baǧyttalǧan.Almaty qalasynyŋ tūrǧyndary qol qoiǧan petisiia avtorlarynyŋ pıkırınşe, Saǧyntaev "ömırındegı eŋ maŋyzdy synaqtan öte almady. Eŋ qiyn künderı qala tūrǧyndaryna moraldyq jaǧynan da, fizikalyq jaǧynan da qoldau körsetpedı”.
"Ol tıptı, qarapaiym efirge şyǧyp, almatylyqtarǧa ündeu aitpady.Qoldau körsetpedı. Bız äkımdı 8 qaŋtarǧa deiın köpşılık aldynan körmedık", - delıngen petisiiada."Qazırgı qala äkımınıŋ qazırgı äreketı men būǧan deiıngı äreketsızdıgı qynjyltady. Saǧyntaev myrza, tūrǧyndardyŋ qoǧamdyq keŋestegı belsendılıgıne, sondai-aq qala üşın basty qūndylyq - balalar men jaqyndarymyzdyŋ qauıpsızdıgın alǧa qoimaǧanyna qaramastan, özınıŋ kün tärtıbı boiynşa jūmysyn jalǧastyruda. Äkım myrza eŋ qiyn sätterde basşy retınde özınıŋ tolyq därmensızdıgın körsettı dep oilaimyz. Pandemiia kezınde de, terroristık şabuyldar kezınde de solai boldy", - delıngen habarlamada.
Belsendıler prezident Qasym-Jomart Toqaevtan jaŋa Almaty äkımı qyzmetıne sailau ötkızudı sūraidy."Almaty äkımı lauazymyna aşyq sailau ötkızu uaqyty keldı dep esepteimız. Eger būl mümkın emes dep sanasaŋyz, onda sızden tuǧan qalasynyŋ mūqtajyn jaqsy bıletın jäne oŋtüstık astana tūrǧyndarynyŋ qoldauyna ie bolǧan naǧyz almatylyqty qala äkımı lauazymyna taǧaiyndauyŋyzdy sūraimyz", - delıngen petisiiada. Aita ketu kerek, Baqytjan Saǧyntaev Almaty qalasyn 2019 jyldyŋ mausym aiynan bastap basqaryp keledı.
"Adyrna" ūlttyq portaly
