Beınebaqylaý kameralary qalypqa keltirilýde

2031
Adyrna.kz Telegram

Shymkent qalasyndaǵy áleýmettik nysandarda jáne jol boıynda jalpy 14 684 beınebaqylaý kamerasy ornatylǵan. Byltyrǵy jyldyń ózinde qala kóshelerine 3177 zamanaýı kamera qoıyldy. Sonyń kómegimen megapolıste oryn alǵan jappaı tártipsizdikti der kezinde toqtatýǵa, búlikshilerge tosqaýyl qoıýǵa múmkindik týdy. Kamera arqyly azamattardyń túr-tulǵasyn anyqtap, kúdiktilerdi qolǵa túsirdi.

Buzaqylyq oryn alǵan sátte beınebaqylaý júıesiniń 189 «sergek» kamerasy vandalızmge ushyrady. Onyń ishinde mańyzdy sanalatyn elýge jýyq kamera sanaýly saǵat ishinde qaıta qalpyna keltirildi.

Qala ákimi tártip pen qaýipsizdikti qamtamasyz etýde kameranyń mańyzy zor ekenin aıtyp, búlingen beınebaqylaý kameralaryn tezdetip qalypqa keltirý jóninde tıisti sala basshysyna tapsyrma berdi.

Shymkent qalasy ákimdiginiń baspasóz qyzmeti

Pikirler