Şymkent qalasyndaǧy äleumettık nysandarda jäne jol boiynda jalpy 14 684 beinebaqylau kamerasy ornatylǧan. Byltyrǧy jyldyŋ özınde qala köşelerıne 3177 zamanaui kamera qoiyldy. Sonyŋ kömegımen megapoliste oryn alǧan jappai tärtıpsızdıktı der kezınde toqtatuǧa, bülıkşılerge tosqauyl qoiuǧa mümkındık tudy. Kamera arqyly azamattardyŋ tür-tūlǧasyn anyqtap, küdıktılerdı qolǧa tüsırdı.
Būzaqylyq oryn alǧan sätte beinebaqylau jüiesınıŋ 189 «sergek» kamerasy vandalizmge ūşyrady. Onyŋ ışınde maŋyzdy sanalatyn eluge juyq kamera sanauly saǧat ışınde qaita qalpyna keltırıldı.
Qala äkımı tärtıp pen qauıpsızdıktı qamtamasyz etude kameranyŋ maŋyzy zor ekenın aityp, bülıngen beinebaqylau kameralaryn tezdetıp qalypqa keltıru jönınde tiıstı sala basşysyna tapsyrma berdı.
Şymkent qalasy äkımdıgınıŋ baspasöz qyzmetı
