Ūlt saulyǧy – el bailyǧy. «Nur Otan» partiiasy Şymkent qalalyq filialy janyndaǧy Ūlt densaulyǧy mäselelerı jönındegı keŋestıŋ kezektı otyrysy öttı.
Jiynda densaulyq saqtau men sport salalarynda atqarylyp jatqan jūmystar men pandemiiaǧa bailanysty densaulyq saqtau salasyndaǧy oryn alǧan özektı problemalar talqylandy.
Aldaǧy uaqytta şaharymyzdaǧy densaulyq saqtau nysandaryna tekserıs küşeiedı. Osy maqsatta «Nur Otan» partiiasynyŋ Şymkent qalalyq filialy janynan «Ūlt densaulyǧy mäselelerı» jönınde Qoǧamdyq keŋesı qūryldy.
Arnaiy top praimeriz jeŋımpazdary, partiialyq kadrlyq rezerv ökılderı, qalalyq mäslihat deputattary , därıgerler, azamattyq qoǧam ökılı, būqaralyq aqparat ökılderı, iaǧni jalpy sany 9 adamnan qūralǧan.
Partiia janyndaǧy Ūlt densaulyǧy mäselelerı jönındegı keŋestıŋ töraǧasy Esenbek Serkebaevtyŋ aituynşa, arnaiy qūrylǧan top osy uaqytqa deiın densaulyq saqtau salasyndaǧy bırneşe kemşılıkterdı anyqtaǧan.
Atap aitqanda, olar №1 qalalyq emhanasy, «Ana men bala» oŋaltu ortalyǧy, №2 qalalyq auruhanasy men qalalyq perzenthana ortalyqtarynda oryn alyp otyr.
Sonymen qatar, köşpelı otyrysta qalamyzdaǧy äbden tozyǧy jetıp, kürdelı jöndeuden ötıp jatqan medisinalyq mekemeler turaly da aityldy. Şymkent qalasynyŋ Densaulyq saqtau basqarmasy basşysy Baqytjan Pozilov, Epidemiialyq jaǧdaiǧa bailanysty joǧaryda aitylǧan qūrylys jūmystarynyŋ keiınge şegerılıp, belgılengen merzımnen taǧy bırşama uaqytqa sozylatyndyǧyn jetkızdı.
Jiyn soŋynda Şymkent qalasy Dene şynyqtyru jäne sport basqarmasy basşysynyŋ orynbasary Ermek Därmenov söz aldy. Paidalanuǧa beru 2022 jylǧa josparlanǧan «Metallurg» stadiony turaly aqpar bergen ol, qazırgı taŋda jūmystar belgılengen kestege säikes 70 %-ǧa oryndalǧanyn aitty.
Sondai-aq, jinalǧandar halyq densaulyǧyn jaqsartu mäselesıne qatysty özderın alaŋdatqan saualdaryn ortaǧa salyp, tiıstı mamandardan jauap aldy.
Aita keteiık, aǧymdaǧy jyldyŋ şılde aiynda qoǧamdyq keŋestıŋ ūsynysy boiynşa respublikada alǧaş bolyp Şymkenttegı ekpe egu beketterıne beinebaqylau kameralary ornatylǧan.
Ainūr Bekasanova
Ūqsas jaŋalyqtar
