Köpbalaly analar men jalǧyz basty zeinetkerlerge Pavlodar audany Jolboldy auyly äkımı ekı bölke nan syilaǧan. Köpbalaly analardyŋ bırı Instagram-da erekşe syilyq turaly aityp berdı, - dep habarlaidy "Adyrna" ūlttyq portaly Tengrinews.kz-ke sıltep.
Az qamtylǧan auyl tūrǧyndary Jaŋa jyl merekesıne bır kün qalǧanda jergılıktı bilıkten nan alǧany belgılı boldy. Äkımdık qyzmetkerlerı Instagram jelısındegı resmi paraqşasynda fotoreportaj jariialap, sipattamasynda "Auyldyq okrug äkımı köpbalaly analarǧa jäne jalǧyz tūratyn zeinetkerlerge tegın nan ülestırdı" dep jazǧan. Bilık ökılderınıŋ syiy aluşylardy taŋǧaldyrǧan jäne aşulandyrǧan.
"Äkımdıktıŋ oiynşa, bız nan satyp ala almaimyz, al merekede halyq tek osyndai syilyqqa laiyq. Men mūny qorlyq dep sanaimyn", - deidı köpbalaly ana.Būl rette auyl äkımdıgı eşkımdı renjıtkısı de, qorlaǧysy da kelmeitının jetkızgen.
"Äkımdıkke eşkımdı şaqyrǧan joqpyz. 30 jeltoqsanda demeuşılerden nan alyp, mamandarymyz mūqtaj jandarǧa jetkızıp berdı. Surettegı qoǧamdyq jūmystarmen ainalysatyn ekı äiel. Bıreuı köpbalaly ana, ekınşısı - az qamtylǧan. Olardy ädeiı şaqyrǧan joqpyz, nan berdık, boldy. Bıraq bärınen keşırım sūradyq, eşkımdı renjıtkımız kelmedı", - dep tüsındırdı Jolboldy auyldyq okrugınıŋ äkımı Hamit Ahtanov.
