Bügın Şymkent qalasynyŋ äkımı Mūrat Äitenov Abai audanynyŋ infraqūrylymmen qamtylu jaǧdaiymen tanysyp, ondaǧy eldımeken tūrǧyndarymen kezdestı.
Türkıstan oblysynan Abai audany aumaǧyna 37 myŋnan astam halqy bar 10 eldı meken qosylyp, ondaǧy eldı mekenderdıŋ infraqūrylymdyq mäselelerın şeşu boiynşa tiıstı jūmystar atqarylyp keledı.
Sonyŋ bırı - Altyntöbe tūrǧyn alaby. Būl eldımeken 2015 jyly sapaly auyz sumen tolyq qamtylǧan. Al, ötken jyly 8,1 şaqyrym bolatyn gaz jüiesı tartyldy. Osy jyly avtomatandyrylǧan gaz taratu stansiiasy ıske qosylǧanda 1 231 tūrǧyn tabiǧi gazben qamtylady. Būdan bölek, biyl tūtynuşylardy sapaly quat közımen qamtu maqsatynda elektr jelısın tartu jäne köşenı jaryqtandyru jūmystary jäne ekı köşege asfalt töseu jūmystary jürgızıletın bolady.
Altyntöbenıŋ tūrǧyndarymen bolǧan kezdesude qala basşysy atqarylyp jatqan jūmystardyŋ barlyǧy tūrǧyndardyŋ igılıgı üşın jasalyp otyrǧanyndyǧyn, eldı mekendegı özektı mäseleler ret-retımen şeşıletındıgın aitty.
Sonymen bırge, äkım gazben qamtu mäselesıne basa nazar audaryp, AGRS-3 nysanyn ıske qosu boiynşa tiıstı jūmystardy aiaqtau jäne qoǧamdyq kölık aialdamalaryn köbeitudı tapsyrdy.
Şymkent qalasy äkımdıgınıŋ baspasöz qyzmetı
