«Ūly dala altyny» ekspozisiiasy 2021 jyly älemdegı eŋ üzdık bes körmenıŋ qataryna endı. Būl bükıl älemdık tarihi qoǧamdastyq üşın aituly oqiǧa boldy. Aita ketken jön, būl körme Ūlybritaniia halqyna öşpes äser qaldyrdy.
«Apollon» halyqaralyq bedeldı öner jurnaly 2021 jylǧy älemdegı eŋ üzdık bes körmenı anyqtady. Onyŋ ışınde «Ūly dala altyny» da bar. Būl kezdeisoq jeŋısımız emes, naqty fakt. Körmede ūsynylǧandardyŋ ışınde Şyǧys Qazaqstannan alynǧan jädıgerler köşpelıler örkenietınıŋ ejelgı qazynasy bolyp tabylady.
Körmenıŋ Ūlybritaniiany naǧyz dür sılkındırgenınde ülken jatyr. Öitkenı, bızdıŋ bılımdı arheologtar materialdardy mūqiiat jinap, daiyndaǧan 15 myŋ artefaktı ejelgı saqtardyŋ – qazırgı şyǧysqazaqstandyqtardyŋ ata-babalarynyŋ tarihynda mülde jaŋa betterdı aşty.
Qazynalar jasy üş myŋ jylǧa juyq. Bıraq, qyzyq tek būl ǧana emes.
Osylaişa, The Guardian gazetı ekspozisiiaǧa 5/5 degen baǧa berıp, ony «tamaşa» dep baǧalady. Telegraph gazetı (ai saiynǧy ortaşa eseppen aiyna 12,2 million adam) ony 4/5 dep baǧalap, «keremet» dep taŋqalysyn bıldırdı.
«Būl bırneşe ai būryn ǧana tabylǧan nysandardyŋ arqasynda älem tarihyn qaita jazudyŋ erekşe mümkındıgı. Kembridjde bız üşın eŋ maŋyzdysy jädıgerlerdıŋ özın ǧana emes, sonymen bırge Qazaqstanda qoldanylǧan bükıl arheologiialyq üderıs pen saraptamany körsetu», - dedı Fisviliam mūrajaiynyŋ direktory Liuk Saison körmenıŋ aşyluynda.
Aita ketu kerek, būl Europada bırınşı ret ūiymdastyrylyp otyrǧan şara – «Ūly dala altyny» jūrtşylyq arasynda şynaiy qyzyǧuşylyqty tudyrdy, öitkenı körmege 25 myŋnan astam adam kelıp, tamaşalady. Bedeldı europalyq basylymdar körmenıŋ taŋǧalarlyq äser qaldyrǧanyn atap öttı.
Şyǧys Qazaqstan oblysynyŋ äkımı Danial Ahmetov körmenıŋ aşyluyna arnaiy özı qatysty. Aituynşa, ekspozisiiada babalar qolynan şyqqan şynaiy jauharlar ūsynylǧanyn jäne būl tuyndylar ejelgı saqtardyŋ köşpelı şaruaşylyq salasynda qaitalanbas mädenietı men tereŋ bılımı bolǧanyn däleldegen.
Oblystyq muzei qory 26 myŋ bıregei jädıgermen tolyqty, olardyŋ bır bölıgı «Ūly dala altyny» ekspozisiiasynda qoiylǧan.
Aita ketu kerek, 2022 jyly Şyǧys Qazaqstanda arheologiialyq jūmystardy jalǧastyru josparlanuda.
“Adyrna” ūlttyq portaly
