Qazaqstandyq tanymal sportşy, MMA faiterı, aralas jekpe-jek şeberı Quat Hamitov QR Prezidentı Qasym-Jomart Toqaev pen IIM Ministrı Erlan Tūrǧymbaevqa video ündeu joldady, dep habarlaidy "Adyrna" ūlttyq portaly.
Ol Memleket basşysyn elımızde oryn alyp jatqan beibereketsızdıktı dereu toqtatuǧa şaqyrdy.
- Naqtyraq aitsaq, komendanttyq saǧat pen terrorizmge qarsy kürestı toqtatuǧa şaqyramyn. Sebebı, men bızdıŋ halyq arasynda eşqandai terrorist joq ekenın bılemın. Ainalamyzda qazır ne bolyp jatqanyna keler bolsaq, qūqyq qorǧau organdaryna erık berıp qoidy jäne olar naǧyz jappai tärtıpsızdık jasauda! Mitingke mülde qatyspaǧan adamdardy eşqandai män-jaidy tüsındırmesten alyp ketedı, olardy ūryp-soǧady jäne bar qylmysty öz moiyndaryna aluǧa mäjbür etedı. Maǧan senıŋızder, sol jerge jetkızılgender, qalasa da, qalamasa da, öz moiyndaryna bärın alady. Sondyqtan, Prezident myrza! Mūny toqtatyŋyz, boldyrmaŋyz! Sebebı, bızdıŋ elde terrorister bolǧan künnıŋ özınde, mūny ŪQK, IID, IIM bılmei, olar bızdıŋ elge kıre almas edı, - dedı Quat Hamitov.Quat Hamitov qazırdıŋ özınde bıreudıŋ aǧasyn, tuysqanyn, otbasy müşesın eşqandai män-jaidy tüsındırmesten alyp ketkenı turaly aitty.
- Maǧan künde bıreudıŋ janūiasyn, aǧaiyn-tuystaryn eşqandai sebepsız alyp ketıp jatqany jaily myŋdaǧan habarlamalar keledı jäne olardy öz moiyndaryna kınä aluǧa mäjbür etıp jatyr. Bır otbasyn atyp tastady, kışkentai qyz öltırıldı. Būnyŋ bärın bärımız jaŋalyqtardan da, internetten de körıp otyrmyz. Mūny qalai tüsınuge bolady? Mūny ıstegender nege sottalmaidy? Nege olar jazasyz qalady? Būl qandai zaŋ? Qalai? Būl terrorizm bolmasa, terrorizm dep nenı aituǧa bolady?, - dep küiındı qazaqstandyq sportşy.Sonymen qatar Quat Hamitov beibıt miting oryn alǧan künı jaralanǧan adamdar auruhanalarǧa tüskenın, olardan soŋǧy qoŋyrau sol jaqtan bolǧanyn, sodan keiın olar mülde bailanysqa şyqpaǧanyn atap öttı.
- Söitıp auruhanaǧa tuysqandary ızdep kelse, olarǧa bıreuler keldı de, olardy alyp ketken deidı. Olar qaida alyp kettı? Ärine, qarapaiym adamǧa kez-kelgen jaralanǧan adamdy alyp ketuge rūqsat etılmeidı. Būl "korochkasy" bar adamdar ekenı barlyǧyna tüsınıktı. Olar "korochkasyn" körsettı, söitıp alyp kettı. Olardy qaida apardyŋdar? Demek, adamdy tabu bügıngı künnıŋ basty mäselesı me, älde qalai? Barlyq jerde kamera bar, eger sızder joǧalyp ketken qarapaiym halyqty taba almasaŋyzdar, onda qandai da bır terroristerdı qalai tabasyzdar? Nege būl ıspen eşkım ainalyspaidy? - Soŋynda Qazaqstan Respublikasy Işkı ıster ministrlıgıne ötınış bıldırgım keledı! Nelıkten barlyq bolǧan zaŋsyzdyqtardan, tärtıpsızdıkterden keiın Işkı ıster departamentınıŋ bastyǧy älı öz ornynda otyr? Osynyŋ bärınen keiın sız nege halyq köşege şyǧady deisız. Ärine, sız özıŋız halyqty köşege şyǧaruǧa mäjbürlep, arandatyp otyrsyz. Älde mūnyŋ bärı sızdıŋ paidaŋyz üşın be? Nege menıŋ de, özgenıŋ de basynan ötkergen zaŋsyzdyqtan keiın adamdar joǧalyp, eş män-jaidy tüsındırmesten zaŋsyz türde adamdardy alyp ketıp, ūryp-soǧyp, kündız-tünı barlyq kınänı öz moinyna aluǧa mäjbür etıp jatyr? Osydan keiın sız älı de adamdar köşege şyǧady dep aitasyz! Mümkın būl sızge paidaly şyǧar? Mümkın sız adamdar köşege şyǧuy üşın osynyŋ barlyǧyn arnaiy ıstep jatyrsyz ba?, - dedı Hamitov.Söz soŋynda, qazaqstandyq sportşy soŋǧy uaqytta, qūqyq qorǧau organdarynyŋ jūmysynda köptegen zaŋsyz äreketter bar ekenın mälımdedı. "Aqşa üşın qoldan terrorist jasaǧan Bışkek azamatymen bolǧan jaǧdaidy alaiyq. Menı ūstap alyp ketken jaǧdaidy esıŋızde tüsırıŋız. IID bastyǧy maǧan ekı kün boiy jalynyp, video tüsırıp, barlyǧyn joqqa şyǧaruymdy ötındı. Men olarǧa kezdesuge barǧanymda, menıŋ sözderımde eşqandai ereuıl, atys, töbeles bolmaǧanyn aittym. Men öz halqym üşın kezdesuge bardym. Osynyŋ nätijesınde olar menı videoǧa tüsırıp aldy. Şamasy olar menı ūiatqa qaldyrǧylary keldı. Al men özımnıŋ halqym üşın, jaqsylyq üşın ıştegı egomdy, özımdı attap ötuıme tura keldı. Menıŋ oiymşa, soŋǧy uaqytta qūqyq qorǧau organdary bıreudıŋ tapsyrysyn oryndap otyr nemese öz jūmysyn paidakünemdık maqsatpen ıstep jatqan siiaqty" - dedı Quat Hamitov öz instagram paraqşasynda.
"Adyrna" ūlttyq portaly
